حل أمس الفنان علاء زينهم ضيفا في برنامج «واحد من الناس» مع الإعلامي عمرو الليثي، وتحدث عن أسرار في حياته ، والظروف التي مر بها قبل دخوله في الوسط الفني، وتحدث خلال اللقاء عن كواليس تعاونه مع عادل إمام في مسرحية «الزعيم».
نستعرض لكم في التقرير التالي أبرز تصريحات علاء زينهم:-
- "كنت بشتغل شيف في مطعم والمخرج عاطف سالم بيصور فيلم قاهر الظلام عن قصة طه حسين، وصاحب المطعم قاله إني بمثل في مراكز الشباب وقصور الثقافة وقاله هيعمل دور معايا قريب وفعلا بعتلي".
- "قولت لصديقي يا سلام ربنا يكرمنا ونشتغل مع الأستاذ عادل إمام، وبالفعل لاقيت واحد صاحبى بيقولي تعالى بكرة تعمل مقابلة مع الأستاذ عادل إمام علشان تشتغل معاه في مسرحية الزعيم".
- كنت بعمل مسرحية العسكري الأخضر وكان هناك مشهد المفروض سيد زيان بيضربني فيه بالقلم وأنا رفضت، وقولتله لو ضربتني هاضربك وبعدها رفضوا استمراري.
- أستاذ صلاح السقا صاحب فضل عليا وهو اللي كان سبب إني أخد عضوية النقابة، وكانوا رافضين لأني شغال موظف.
- رفضت دور متحرش مع المخرجة إيناس الدغيدي، ولما اتناقشت مع أولادي قالوا لي يا بابا أوعى تعمل الدور ده الناس بتقابلك في الشارع هتقولك إيه؟.
- كان نفسي اشتغل مع أحمد زكي لكن ربنا عوضني واشتغلت مع ابنه هيثم.
- أخذت جائزة واحدة في حياتي عن فيلم الماء والخضرة والوجه الحسن، وكان الدور ده هيعمله الأستاذ صلاح عبد الله لكنه كان مريضا، واستأذنته قبل ما أعمل الدور.