كشف المطرب رضا البحراوى عن علاقته بالفنان محمد عادل إمام قائلاً إنه «صاحب فضل عليه». وقال رضا البحراوى، عبر تصريحات تليفزيونية له: «ممتن جداً لمحمد عادل إمام وهو فنان كبير، ووقف جنبى فى هوجان والنمر». وتابع: «كنت بترشح لأعمال كتير قبل هوجان والنمر، لكن قطّاعين الأرزاق كانوا كتير، وممكن أكون مخلص الأغنية وحد تانى يقوم عارض فلوس وياخد المكان، وحصلت لى مرتين منهم مسلسل كبير جداً ومكنش فيه نصيب». وأضاف: «وأنا فى الطريق من طنطا لاقيت النجم بطل المسلسل الكبير بيقولى بلح وفركش ومفيش نصيب، فقُلت حسبى الله ونعم الوكيل ورجعت طنطا تانى، بعد الموقف ده لاقيت مدير أعمال الفنان محمد عادل إمام بيكلمنى، وقالى الأستاذ عايز يقعد معاك فى هوجان، وبيدينى تتر بداية ونهاية وغنويتن فى المسلسل، قومت ساجد على الأرض وقلت الحمد لله وربنا عايز كده، مسبنيش بعد كده، وقالى مش هسيبك عشان إنت اتظلمت كتير». واستطرد: «جالى مسلسلات كتير أوى لازم استأذن منه الأول، وأشاوره، ويقولى ده لأ وده آه، وهو محترم جداً وقبل ما أروحله كان حاببنى أوى وبيسمعنى، وبقوله كفاية أدبك واحترامك وإنصافك لى قدام الناس».