تحدث النجم تامر حسنى، عن إيجابيات وسلبيات تقنية «الذكاء الاصطناعى» من وجهة نظره، موجهاً رسالة إلى الملحنين. وشارك حسنى، متابعيه، مقطع فيديو عبر أحد مواقع التواصل الاجتماعى، مستخدماً فيه صوته عن طريق «الذكاء الاصطناعى» لغناء أغنية «مش قادر» للفنان سامو زين. وكتب حسنى: «الجانب الجميل فى الذكاء الاصطناعى إنه عمل اللى الفنانين مش بيعملوه مع بعض وقرب جماهير فنانين لبعض لما بيسمعوا أغانى مطربيهم بأصوات مطربين تانيين، ربنا يقربنا من بعض كده زى الذكاء الاصطناعى ما عمل كده من نفسه». وأضاف، «بس أتمنى من بعض الملحنين محدش يستخدم صوت فنان فى لحن منزلش وينزله هو عشان ممكن الفنان لو سمعه قبل ما ينزل يحبه ويغنيه ولما الملحن ينزله بصوت الفنان ومن وراه بيبقى أولاً مش حركة احترافية، والفنان أكيد هياخد موقف كبير من الملحن اللى عمل كده ومش هيتعامل معاه تانى لعدم أمانته، وغير كده بيبقى لحن اتحرق ولا يمكن يتغنى». وكان آخر أعمال تامر حسنى الغنانية أغنية «مش هتغير» التى طرحها قبل أسبوعين وحققت 10 ملايين مشاهدة حتى الآن على موقع الفيديوهات «يوتيوب»، وهى من كلمات وألحان تامر حسنى وتوزيع على فتح الله.