بالفيديو.. «فاهيتا» تقود جمهورها للدعاء لمنتخب مصر

قامت الدمية الشهيرة «أبلة فاهيتا»، بقيادة جمهور برنامجها «لايف من الدوبلكس»، للدعاء للمنتخب المصري، من أجل الوصول لكأس العالم في روسيا خلال حلقتها.
 

وقالت “فاهيتا” خلال البرنامج: «إحنا كده اتأكدنا إن المنتخب مش هيوصل غير بالدعاء، يارب فرحنا إحنا مصعدناش من سنة 90»، في إشارة لتعادل غانا وأوغندا بعد الدعوات.
 

ودعت فاهيتا قائلة: «يارب إنصر الغانيين على الأوغنديين، أو إن شالله حتى يطلعوا متعادلين، وفك نحس كوبر ابن الأرجنتين، وثبت الحضري بين العارضتين، واظبط أوفرات أحمد فتحي من ناحية اليمين، والباكين يبقوا مركزين، ويا رب صحصح عبد الشافي ده مفيش غيره هنلعب بمين، واجعل من النني سد متين، وفَوَّق صالح عشان عبد الله وكهربا مصابين، يا رب رمضان يقف على الكورة ويركنها في اليمين، وارزق تريزيجيه بانفرادة من غير مدافعين، وفوق صلاح علشان معندناش مهاجمين، يارب فرحنا ده إحنا ماصعدناش من سنة 90، ونروح بقى روسيا ومجدي عبد الغني يبطل شماتة في المصريين».
 

ويستضيف المنتخب المصري الأول لكرة القدم، منافسه الكونغو، مساء اليوم الأحد، في ملعب برج العرب بالإسكندرية، وذلك في منافسات الجولة الخامسة للمرحلة الأخيرة من تصفيات القارة الأفريقية المؤهلة لمونديال 2018.
 

ويدخل الفراعنة اللقاء آملا في حسم تذكرة التأهل لروسيا 2018، بعد غياب دام 27 عامًا عن الوصول لكأس العالم عام 90، ويكفي الفوز بأي نتيجة لخطف بطاقة الترشح.