أبدى الفنان تامر حسني تضامنه مع الفنان الصاعد رامي نادر، الذي تعرض لانتقادات لاذعة من بعض متابعيه بعد أن أعلن عن إمكانية إعطائه ورش فنية في التمثيل. 

وأشاد تامر حسني، في منشور له عبر  صفحته الرسمية على «فيسبوك»، قائلًا: «أستاذ رامي أنت فنان محترم، وردك حقيقي راقي رغم تعرضك لكلام محبط، انت مردتش الإساءة بالاساءة، و ده ليه اعتبار كبير أوي فوق ما تتصور عند ربنا قبل البشر».

وأضاف: «وممكن تكون جواك زعلت بس أكيد التعليق اللي زعلك ده ممكن يكون سبب في حاجه تفرحك قريب وهتشوف كلامي وأنا شخصياً مكنتش عارف إنك بتمرن تمثيل، وعرفت من البوست ده وهبعتلك شباب يتمرنوا عندك وأتمنى أقابلك وأتعرف عليك و نفتح باب شغل مع بعض».

واستكمل «حسنى»: «وأتمنى من الشاب اللي كتبلك كده إنه يراجع نفسه، وميحاولش يحبط حد تاني، لأن الكلمة المحبطه فعلاً ممكن تموّت بجد، و يكون تأثيرها اكبر من السلاح، والتعليق السلبي اللي أي حد بيكتبه بمنتهى البساطة  وهو في بيته بيضحك، ممكن يكون سبب في قتل حد نفسياً، أو يكون سبب في تدمير أسرة، أو سبب في جرح روح كانت فرحانة ومتفائلة وبسببك كل ده اتهد، ربنا يوفقك يا فنان يا محترم».

واختتم الفنان تامر حسني: «يا شباب خلونا رحيمين على بعض عشان ربنا يرحمنا، عشان كل ما بقيت رحيم في كلامك هتلاقي ربنا بيسخرلك في عز زعلك و إحباطك ناس تفرح قلبك بالكلام الرحيم اللي يقويك على الدنيا».