تحدث الرئيس عبدالفتاح السيسي عن مسار الأفكار الجديدة، معلقا: "هقول حاجتين تعليقا على المسار والفكرة وهأقولكم على الكلام ده من باب التجربة.. فيه فرق بين الفكرة وتنفيذها.. الدكتور زويل الله يرحمه جالي في 2014 وقال عاوز أعمل جامعة زويل قلتله إيه المطلوب مني؟.. قال ولا حاجة أنا بس عاوز الهيئة الهندسية هي اللى تنفذ، قولتله يا دكتور زويل هل تضمن تبرعات إقامة الجامعة؟ قال طبعا.

وتابع الرئيس السيسي، خلال فعاليات اليوم الأخير ضمن فعاليات مؤتمر "حكاية وطن": "وكان ساعتها المبلغ اللى معاه حوالى 500 مليون جنيه، والبرنامج بتاع الجامعة ضخم قوي، قولتله يا دكتور زويل أنت هتعتمد في الفكرة على تبرعات الناس.. أيا كان الناس اللى وعدوك.. مش كل فكرة لازم تنجح إلا لما تكون عارف كويس هتعمل إيه، وتصر على إنك تنجحها ما تسيبهاش.. وقدر الله وحصل اللى حصل يبقى الهيئة الهندسية تكمل المشروع".