علقت الإعلامية بسمة وهبة على حالة الجدل التي أثارتها، في الفترة الأخيرة بعد تحدثها باللغة العبرية ببرنامجها 90 دقيقة، وتوجيها رسالة إلى إسرائيل، بعد قصفهم المدمر على غزة.
ونشرت بسمة وهبة فيديو لها،عبر ستوري بحسابها الشخصي بموقع تبادل الصور والفيديوهات انستجرام، قائلة:«أنا مصرية ولغتي عربية، معرفش عبري، حاولت أتكلم عبري زي الناس اللي بتفك الخط في الإنجليزي، أنا بفك الخط في العبري،إيه اللى مضايكم، ما كل واحد يبص في ورقته، اللي غيران مننا يعمل زينا، أنا وصلت لكل المنصات اللي في إسرائيل، مضايقين من كده عشان كده عاملين لجان سخافة، مشوفتش أكتر من كدة سخافة وحقد وغيره، موتوا بغيظكم».
وعلقت بسمة وهبة أيضا على الفيديو قائلة:«فاضيين أوي ورايقين أوي، ونسينا أهلنا في فلسطين، بجد فاضيين وحقودين ومنفسنيين، حاولوا تركزوا في مذابح غزة بدل ما تركزوا في لغتى، وأنها لازم تكون متقنة، لا بجد شاطرين أنتوا أوي أجندة رسمي بس طظ فيكم وهستمر ولا يفرق».