أعربت الفنانة رانيا فريد شوقي عن حزنها الشديد على فراق شقيقتها ناهد فريد شوقي، الذي رحلت عن عالمنا صباح يوم الثلاثاء عن عمر يناهز 72 عاما، ويقام اليوم عقب صلاة المغرب العزاء في مسجد الشرطة بالشيخ زايد.

نشرت رانيا فريد شوقي، صورة لها برفقة شقيقتها ناهد على حسابها الشخصي بموقع التواصل الاجتماعي تبادل الصور والفيديوهات الانستجرام، قائلة:«للأسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة الي الأبد و ده من عيوب البشر أختي الحبيبة الغالية ناهد أنا بعتذر لك لأني اعتدك في حياتي يمكن خيالي كان اضعف من إني أتصور فراقك يمكن خدتنا مشحانات الدنيا وربنا نور بصيرتنا و رجعنا لحضن بعض و الحب اللي اتربينا عليه و حبنا لبابا كان دايما بيجمعنا يمكن لاني تنسيت اننا بنكبر كلنا».

وتابعت:«يمكن لأني جيت الدنيا لقيتك أختي الكبيرة القوية العنيدة اللي ما تعرفش حاجة اسمها استسلام وإرادتها من حديد قوتك كانت بطمني عليكي أنا مش عارفة انا بكتب ايه بس اللي حساه اكبر بكتير من أي كلام مازلت مش مستوعبه و لما حد بيقول الله يرحمها بتخض في الفترة الأخيرة كنت بشوف فيكي بابا بكل حركاته و طريقة كلامه و نظراته و هزارك و قولت للأحفاد اللي ما شفوش جدهم ناهد بقت نسخه من جدكم لما تشفوها كأنكم شفتوه سبحان الله».

 

 

 

 

View this post on Instagram

 

 

 

 

 

 

 

 

 

 

 

A post shared by Rania Farid Shawky (@rania_farid_shawky)

أضافت:«الغريب أني من الشخصيات اللي بتخاف تدخل على حد متوفي لأنه يبقي آخر انطباع بيفضل في الذاكرة عن الشخص لكن لما دخلت وشوفت وشك مبتسمه كأنك نايمة وبتحلمي حلم جميل حسيت انك شوفتي فريد ابنك بيستقبلك وخدك لحبايبك بابا و طنط هدي و مها أختنا ده تفسيري لابتسامتك الهادية الجميلة الواضحة اوي اللي هونت علينا كلنا فراقك و اللي مش هتفارقني اللي باقي من عمري كنتي راضية بكل أقدار الله و مسلمة أمرك لله».

واختتمت رانيا فريد شوقي حديثها:« إلى أن نلتقي يا أختي سلميلي علي بابا وقوليله الحياة من غيرك مش حياة ونفسي يجيلي في الحلم بقاله فترة غايب عني هتوحشيني اوي يا حته من ابويا و من قلبي».