كشف الإعلامي أحمد يونس عن رأيه في الذكاء الاصطناعي، وعن سر تطوره في مجال الإعلام بشكل عام والراديو بشكل خاص، بالرغم من ظهور السوشيال ميديا والديجيتال.

قال الإعلامي أحمد يونس في تصريح  لـ «دار الهلال»:«اتعامل برامج بصوتي، وقصص رعب بصوتي، أنا مش هحارب الدنيا التطور ماشي هو يعني المطربين اللي اتعمل لهم أغاني بالذكاء الاصطناعي انا احسن منهم يعني».

أما عن رد فعله عندما سمع برامج مستخدمة صوته بواسطة الذكاء الاصطناعي، قائلا:«أنا لما سمعت حاجات معمولة بصوتي اترعبت، وأثبت لدرجة إني خوفت، أنا لو سامعها ومش عارف أن ده ذكاء الاصطناعي  هقول أنا، هي محجوبة لدرجة تخوف، وأنا بسمع قولت  أن الخطوة اللي الجاية الناس تستغني ويتعملي حاجات وخلاص شكرا،اكيد هنلاقي ليها حل يعني، بس هو لسة مدخلش أوي ».

وعن الراديو، أكد أنه لا يزال محافظ على قاعدة جماهرية كبيرة بالرغم من قلة الفئة المستمعة لـ راديو بسبب انتشار السوشيال ميديا:«أي شغلانة في الدنيا، لو انت شاطر هتجبر الناس أنها تدور عليك لو انت متكاسل أو م بطلعش خطوة لقدام متزعلش وتقول الناس سابتني لية، من أول م بدات العمل في الردايو عام 2003م وأنا بسمع جملة الراديو راحت عليه،لو الراديو راحت عليه ما يكنش لحد دلوقتي الناس تحب تسمع اسامة منير، أو غيره من الاعلاميين،الشاطر هو اللي يشتغل على نفسه، ويسمع الدنيا فيها أي».

وأضاف:«أنا بسمع بشوف الدنيا فيه وبسمع زمايلي، والمحطات بره مصر وصلت لايه، مش معني كده أن التطور اوقف اتفرج عليه، لا مهم الانترنت مهم السوشيال ميديا الديجيتال مهم، لو انا فضلت واقف في نفس العلم بتاع زمان يبقي خلاص اكون في خانة الذكريات».