وجهت الحاجة عائشة فاضل، أكبر حاصلة على شهادة محو الأمية الشكر لقناة CBC بعد أن ساعدتها في تحقيق حلمها بالذهاب إلى العمرة وهي في عمر 84 عاما،  وأدت أمس عمرة ليلة النصف من شعبان كما تمنت.

قالت: أنا متشكرة لقناة CBC وبرنامج الستات ما يعرفوش يكدبوا، أنا لما ظهرت في البرنامج وقلت نفسي أروح عمره، استبشرت خير وقلبي طار من الفرحة لما قالولي هتروحي يا حاجة عائشة ورجالة مصر الجدعان اللي حققولي حلمي وخلوني شوفت الكعبة وبيت ربنا وأنا في السن دا وربنا يخليهم للناس الغلابة اللي زيي ".

وكان قد عرض برنامج "الستات مايعرفوش يكدبوا" المذاع على قناة CBC، قصة كفاح "الحاجة عائشة" في منتصف شهر يناير الماضي، وهي  سيدة مسنة حصلت على محو الأمية، وقالت: "نفسى أحصل على عمرة لأنى أحمل القرآن، وعمرى 84 سنة وأختم عمرى هناك، نفسى أزور الحبيب النبى صلى الله عليه وسلم حتى فى عمرة رمضان".

كما روت الحاجة عائشة خلال استضافتها بالبرنامج قصتها مستكملة: "زوجت أبنائى قبل وفاة والدهم منذ 15 سنة، وكل واحد فيهم شق طريقة، وبيزورونى ديما ويقبلوا راسى وإيدى على ما قدمته لهم، وهما حنين بيجيبولى كل اللى نفسى فيه".
 
ودعت الحاجة عائشة لمصر قائلة: "يا رب تكون مصر فى رخاء وأمان ويخلى شباب مصر وجدعانها، وأنا فرحانة بحصادى اللى زرعته، ونفسى أقعد لوحدى فى غرفة عشان أعلم الأطفال حفظ القرآن"، مؤكدة: "كل شاب فى مصر زى أبنائى".