قال الفنان هشام ماجد فى تصريحات إذاعية إنه يحب مشاركة صور وأخبار العمل، ولحظاته مع الأصدقاء، لكن صوره الشخصية وحياته الخاصة يفضل أن تبقى فى المنزل فقط. واستطرد هشام ماجد قائلاً: «بحب صورتى تبقى حلوة فى عيون الناس من غير كذب وإدعاء.. ولو صورتى طلعت وحشة فى عيون شخص مهم بالنسبة لى لازم أصلحها، لكن لو حد ميهمنيش ميفرقش معايا». وأكد هشام ماجد أنه كان يقع فى فخ الانطباعات السريعة من قبل لكن مع التقدم فى العمر أصبح مقلاً فى الحكم على الصورة الخارجية موضحاً: «اتعملت عمرى ما أحكم بدرى، ولا من النظرة الخارجية». وتحدث هشام ماجد عن زوجته وأسرته قائلاً: «مراتى مسموح لها تعملى زووم، وتشوف كل العيوب، وبناتى وأمى كمان». وكشف عن أسماء ابنتيه قائلاً: «بناتى كارما ونادية هما اللى منورين حياتى، وأقرب ناس ليا، والعيلة والأسرة بتدى قيمة للحياة أكتر من أى حاجة تانية». وأشار هشام ماجد إلى أن الدوائر المقربة منه تقل تدريجياً موضحاً: «مع السن أنا بحاول أتجنب إن ناس كتير تدخل فى حياتى، وفى مسافة مع الناس الكتير اللى بتدخل حياتى».