يجتمع الجمهور المصري دائما، علي حب البرامج الإذاعية الفكاهية، حيث إنها تعد تراث من الزمن الجميل ، فمهما مر عليه من أعوام تظل قلوبنا مرتبطه به،  حيث يعتبر البرنامج المصري الإذاعي الفكاهيي "بختك في رمضان" من روائع الإذاعة المصرية.

يعرض البرنامج علي الإذاعة المصرية، حيث يقدمه شكوكو، وإخراج أبو سليم البحطيطي، برنامج "بختك في رمضان" عبارة عن أغنية يغنيها شكوكو لمعرفة ماهو حظك في رمضان، "بختك بختك.. إسمع بختك.. وماليش دعوة.. إنت وبختك.. يطلع هايل.. إنت وبختك.. يطلع مايل.. إنت وبختك"، فكان الهدف من البرنامج يساعد الصائمين علي تسلية وقت صيامهم، وكان البرنامج يلقي صدي واسع لدي المستمعين، .

تستعرض بوابه دار الهلال، خلال شهر رمضان، البرنامج الإذاعي "بختك في رمضان رمضان"

نلتقي في اليوم العشرين من شهر رمضان  المبارك مع "بختك في رمضان" فإن كنت من مواليد 13 رمضان فهيا بنا لتري ما هو بختك.

 

بختك في الماضي

مين زيك مين في المستمعين جيت في 13 رمضان بتقول واء واء نازل مشتاق، بخشاف وقطايف وجعان، واللفة اللي أتلفيت فيها بقمر الدين رحت واكلها ورضعت صوابعك بعديها عشان معرفتش تغسلها.

بختك في الأحلام

راح تحلم خير قول إن شاء الله يتحقق حلمك قول يلا وأنا أفسرهولك بأمانة، هتشوف أنك لقيت شنطة في السكة بين بنها وطنطا في أخرها في فلوس مليانة، وتقوم مفزوع يقولوا أسم الله ليه نمت ورأسك عريانة.

بختك مع الضيوف

هيطبوا عليك بكرة ضيوف وأنت مفيش عندك مصروف تحتار أزاي هتفطرهم، والمغرب يأذن تلاقيهم راحوا يجيبوا الأكل في سكتهم علشان قال هتسحرهم.

بختك في البيت

في البيت بكرة هيطلبوا منك لوز وبلح وزبيب، ويدور بكرة ويعرفوا أنك معاك هتجيب وسي بكرة يفوت وسي بعده كمان وأنت بتتحجج بالنسيان وتصحين لما يفوت رمضان أما يقولوا مجبتش ليه دغري تقول مجبتش علشان.. " أنا عندي مشكلة "