أدلى المتهم بقتل طفل شبرا الخيمة في محافظة القليوبية، باعترافات تفصيلية أمام جهات التحقيق، وأكدت النيابة العامة أن المتهم  المقيم في مصر كان يتواصل مع آخر في الكويت عبر منصات التواصل الاجتماعي، وطلب منه إحضار طفل وقتله تجهيزًا لعملية سرقة أعضائه عبر "فيديو كول" بينهما.

حيث كشفت اعترافات قاتل صغير شبرا الخيمة وسرقة أعضائه  أنه استدرج الطفل أحمد بناءً على طلب شخص مصري مقيم في الكويت، الذي تعرف عليه عبر موقع "الدارك ويب" المخصص لتجارة الأعضاء البشرية، تم استخدام الطفل في عملية سرقة أعضائه مقابل مبلغ مالي كبير. كما أشار المتهم إلى تورطه في بيع كليته في وقت سابق بمبلغ مالي قدره 170 ألف جنيه.

وجاء نص تحقيقات القضية رقم 1820 لسنة 2024 إداري قسم أول شبرا الخيمة، وجاءت أقوال  المتهم الاول "طارق" كالآتي:

: "من 11 سنة، تركت منزلي واتبهدلت في الشوارع من مكان لمكان، ولم أجد مكانًا أسكن فيه، وفي شهر سبتمبر من العام 2023، واتعرفت على واحد اسمه محمد عزت وشهرته أبو حمزة، عن طريق صفحة على فيسبوك كان اسمها "سلمى"، واكتشفت بعد ذلك أنه سمسار أعضاء بشرية و يعقد اتفاق بين المتبرعين والمرضى مقابل مبالغ مالية".

وأضاف المتهم خلال التحقيقات: "أبو حمزة" قلي بيع كليتك مقابل 170 ألف جنيه، ووافقت على ذلك، وذهبت إلى منزله في شارع الحبيبي بشبرا الخيمة، وحصل لي على عمل في قهوة "العديني" في شهر أكتوبر، حتى قمت بإجراء عملية استئصال الكلية اليسرى في أحد المستشفيات الخاصة، وبعت كليتي مقابل المبلغ المذكور، أخذتهم من أهل المريض في كافتيريا المستشفى".

تابع:" في شهر يناير 2024، خالد صاحب مقهى "العديني" أمرني بترك العمل بسبب مشادة كلامية بيني وبينه، وبسبب معاملته السيئة لي وافقت على ترك العمل، وذهبت إلى منزل مستأجر في حارة البستان - شبرا الخيمة أول، وفرشته كويس، والفلوس بدأت تخلص بعد ما بعت كليتي".

وقال: دخلت على صفحات الفيسبوك الخاصة بالتبرع بالأعضاء ودونت بيانات المرضى والمتبرعين في محاولة مني أن أوفق بين الحالات، وفشلت في ذلك واكتشفت صعوبة الأمور، بعد ذلك دونت منشور على الصفحات بصفحتي الشخصية عرضت فيه فص كبد من عندي وتواصل معي شخص يدعى "علي خالد" على رسائل الخاص، وقالي إن فيه مشروع أحسن من التبرع، إني أجيب طفل من 7 إلى 18 سنة، وشرط يكون رفيع مش تخين، وآخذ منه عينات هتتباع بملايين".

وأضاف قاتل طفل شبرا،:" كنت أعرف جيدا المجني عليه "أحمد"، حيث تعرفت عليه من خلال عملي في قهوة "العديني"، وبدأت أتردد عليها كزبون بعد تركي العمل بها، وحينما أخبرني المدعو "علي خالد" بمواصفات الضحية وقعت عيني على "أحمد" لأني لم أكن أعرف طفل غيره، فبعت صورته لـ علي وقالي تمام ماشي، وقالي هنخدره وتاخده عندك الشقة تاخد العينات، وهيكلمني فيديو يشرحلي أعمل أيه علشان أخد العينات لما أطلع البيت، لأني مكنتش فاهم عينات أيه اللي عايزها غير إنها شوية دم عايزهم وخلاص".

واستكمل قاتل صغير شبرا الخيمة: "وقبل التنفيذ بيوم بعتلي قائمة بالحاجات اللي محتاجينها، وكلمت واحد شغال عامل دليفري جنب قهوة العديني وبعتله القائمة قولتله أنا محتاجها من صيدلية عشان أخويا عيان، وكان فيها أدوية منومة وأمبولات وكانيولات وأنابيب وريدية وشاش وحاجات كتير تانية مش فاكرها، ورحتله أخدتهم من قدام الصيدلية مقابل 420 جنيه مش فاكر بالظبط، ويوم التنفيذ أخدت أقراص مهدئة كتير علشان متوترش ومترددش ورحت قعدت على القهوة".

واستكمل المتهم "طارق أعترافاته" قائلا "أنا عارف أحمد بينزل من بيته دائمًا متأخر على 10 بالليل يروح السايبر يلعب، وييجي القهوة يهزر مع الناس، فقعدت، وهو جالي قلتله أنا جايبلك هدية في البيت، هنروح مع بعض البيت أديهالك ونرجع تاني، وقلتله أمشي في الحارة اللي في وش القهوة وأمشي لحد شارع رشدي، وقابلته هناك واتمشينا مع بعض لحد البيت، وجبنا علبتين عصير تفاح، وطحنت قرصين منوم في البيت وفضيت العصير في كوباية وقلبته وشربته لأحم"د.

واستطرد قاتل صغير شبرا الخيمة: "كل شوية علي يكلمني على الماسنجر يقولي هيدوخ دلوقتي وصورهولي وابعتلي الصورة، واديت أحمد الريموت قولتله هات كرتون، قالي لا أنا تمام، وبالفعل بدأا يدوخ فحطتله دوائين منومين في كوباية مية بالشرائط، وقلبت المية بالأقراص وكان دايخ خالص، فمسكت رأسه وشربته الكوباية، فنام تمامًا، وعلي كلمني فيديو وقفل الصورة بتاعته وكان شايف اللي أنا بعمله بس قال لي هات حبل واخنقه به علشان نسحب العينات، فجبت حزام وجيت اخنقه لقيت أحمد صحي فجأة ورجع تاني على ضهره فخنقته بالحزام ومتحركش خالص بعد كده ومات".

واستطرد المتهم: "وبعد ما انتهيت من تنفيذ ما طلبه منى "على " المتهم الثاني نزلت علشان أبيع الأعضاء لكن المتهم الرابع زميلى قالي الأعضاء باظت علشان استأصلتها بطريقة غلط وقالي خلاص ما فيش مشكله ندور على حد تأني ونكرر الموضوع في الوقت ده أنا كنت ماشى فى رمسيس قابلت طفل عندة 8 سنوات صورته وبعته للمتهم الرابع في اللحظة دي اتصل بيا "على"المتهم الثاني من الكويت وقالي الفيديو بايظ ومجابش مشاهدت عالية فعرضت عليه صورة الولد الثاني وافق فورا وقالي بكرة بقى نعمل فيه زى ما عملنا في أحمد لكن أول ما وصلت البيت اتقبض عليا".

وتضم القضية إلى جانب المتهم الرئيسي "طارق"، قهوجي، 4 آخرين، وهم "علي الدين"، صبي مصري يبلغ من العمر 15 عامًا، كان يقيم في الكويت، ووالده "محمد"، بالإضافة إلى "علي.ع"، دليفري بإحدى الصيدليات، و"محمد.ع"، صديق المتهم الأول.