حلت الفنانة سلمى أبو ضيف، ضيفة على برنامج" معكم" مع الإعلامية منى الشاذلي ، و كشفت خلال الحوار عن الكثير من التفاصيل حول حالة النجاح التي حققتها في الفترة الماضية فقالت:" أنا حاسة إني الحمدلله السنة اللي فاتت ربنا وفقني في أدوار كويسة، بقالي كذا سنة بدرب في ورش كتير بس بعد" راجعين يا هوى" قررت أتعلم في مدرسة تمثيل في أمريكا لمدة شهر ونص متواصل .. إدتني نوع من الثقة ودفعتني دفعة كبيرة ، فـأنا كنت راجعة أعمل باللي درسته و أشوف الدراسة دي فرقت معايا قد أيه" . أما عن وصولها للنضج الفني قالت" أنا سمعت الكومنت بتاع النضج ده .. ولما حصل وسمعت إني "نضجت فنيًا" ، ماكنتش فاهمة المعنى بس حسيت إن الورش مع التجارب الحياتية و محاولة انى أتعرف على نفسي، ده كله فرق معايا و خلانى أختلف وده انعكس على شغلي والناس حسته .