علق الفنان ومؤدى المهرجانات "عنبة"، على الأزمة الأخيرة للفنان عصام صاصا، بعد اصطدام سيارته بشخص متسببًا في وفاته.

وشارك عنبة جمهوره ومتابعيه منشور عبر حسابه الرسمى بموقع فيسبوك عبر خاصية أستورى، قائلاً: "أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها".

وأضاف عنبة: "أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمر نفسيًا، بس اللي عايزه أقوله هو مش بيخبط أي حد ومش بيدوس على الناس بفلوسه، وبلاش حد يفهمكم حاجة عن الراجل اللي انتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل".

وقس وقت سابق، شارك الفنان ومؤدى المهرجانات عنبة فى أخر أعماله الدرامية من خلال مسلسل "عتبات البهجة" للنجم القدير يحيى الفخرانى، والذى عرض داخل السباق الرمضانى المنقضي 2024م.

وضم مسلسل "عتبات البهجة" مجموعة من نجوم الفن بجانب الفنان يحيى الفخرانى كلا من صلاح عبدالله، جومانا مراد، سما إبراهيم، صفاء الطوخى، عنادى مهنا، هشام إسماعيل، ليلى عز العرب، علاء مرسى، علاء زينهم، عنبة، وفاء صادق، خالد شباط، والعمل من سيناريو وحوار مدحت العدل، ومن إخراج مجدى أبو عميرة.