شهد الوسط الفني حالة من الحزن، بعد وفاة المنتجين حسام شوقي المشرف العام على الإنتاج بشركة سينرجى، ومحمود كمال وفتحي إسماعيل المنتجين الفنيين بالشركة، إثر تعرضهم لحادث سير على طريق الضبع.
وكتب المخرج مرقس عادل، ناعيا المنتجبن الثلاثة عبر حسابه على الفيس بوك "يا وجع القلب.. أنا مصدوم ومش فاهم.. ومش عارف استوعب.. امبارح بليل لسه مكلمني فتحي اسماعيل في التليفون وبنهزر ولسه بيحلم ومن كام يوم قاعدين بنتكلم عن بكره والمستقبل ولسة بتكلم مع استاذ حسام وبندردش في بكرة واللي جاي ومش عارف أنسى كلمة متقلقش يا دكتور ولا كلمة واحشني يا دكتور ومتتعبنيش معاك هتعملي فيها مش عارف ايه.. ومحمود كمال الطيب المحترم اللي دايما كان بيسأل عليا بكل ود وحب واحترام.. حقيقي مصدوم هتوحشوني اوي.. اشهد قدام الله كنتم أجمل وأجدع وأرجل الناس".
وكتب المغنى محمد شاهين من خلال صفحته الرسمية "الفيس بوك":" مش قادر استوعب والله انا لله وانا اليه راجعون ربنا يرحمهم ويغفرلهم ويصبر اهالهيم على فراقهم يارب، لسة شايفهم ومسلم عليهم يارب دي الدنيا يارب نتعظ ونفهم اللي بيحب حد يروح يقوله واللي شايل من حد ميشلش الدنيا ملهاش لازمة ادعولهم بالرحمة الناس دي كانت محترمة ومش هتدوم غير السيرة الطيبة، حسام شوقي، محمود كمال، فتحي إسماعيل".