رد الفنان محمد عطية، من خلال حسابه الشخصي على موقع التواصل الاجتماعي فيسبوك، على الانتقادات الموجهة إلى أغنيته الأخيرة التي تحمل عنوان: «البطيخ»، ويظهر من خلالها تضامنه مع القضية الفلسطينية.

وقال محمد عطية في  منشوره: «صباح الخير، ردود الفعل الفلسطينية، وأهالي غزة تحديدا على الأغنية مخلياني مبسوط وراضي تماما، عشان لو أسهمت بثانية واحدة في أن أي فرد من الناس دي ينبسط، أنا كدا فل جدا، مبسوط جدا أنهم أكتر ناس بيدافعوا عني قدام النقد، وطبيعي يا جماعة أن في ناس تشوف العمل وحش وناس تشوفني زفت، وناس تحب، وناس تاني تتريق، وناس تشتم، وناس تشكر، دا جزء لا يتجزء من شغلانتنا، وأنا أصلا معنديش مشكلة خالص في كل دا، حتى في التطاول، لأن أنا عارف أن دا بيحصل وهيحصل معايا ومع غيري، ومش لازم نخوّن اللي بيشتمني، أو نعايره، دا عمل فني فحقه يقول اللي هو عاوزه، إحنا مش هنربي الجمهور يا جدعان، أمال إحنا بنعمل شغل لمين؟؟».

وتابع قائلاً: «هو اللغز المحير بالنسبة ليا أن أصحاب القضية نفسهم شايفين العمل عظيم، ومبسوطين، والجيل الصغير اللي أنا موجهله الأغنية، برضو مبسوط، واللي بينتقدوا أولاد بلدي اللي من جيلي، عامة أنا كل اللي بتمناه أن الناس تفضل تتكلم عن القضية، وناس تانية تعمل أعمال ويوفق منها ما يوفق، ولا يوفق من لا يوفق، المهم ما ننساش القضية، ونفضل نحسس الناس هناك، أنهم في بالنا وأنهم مش لوحدهم لأن حقيقي دا بيفرق معاهم جدا».