كشف الفنان تامر شلتوت، عن تطورات حالته الصحية وذلك بعد تعرضه لوعكة صحية خلال الأيام الأخيرة، وخضع بسببها إلى عملية جراحية.

وقال تامر شلتوت، في أول ظهور له بعد تعرضة لوعكتة الصحية الاخيرة، حيث نشر مقطع فيديو(رييلز) عبر حسابه الشخصي بموقع تبادل الصور ة الفيديوهات القصيرة "إنستجرام" : ده أول فيديو أصوره بعد ما ربنا أراد ليا أني أقوم من الوعكة الصحية وأنا بشكر كل اللي سأل عليا وكل أصدقائي وزملائي وكل الصحفيين اللي اهتموا انهم يسألوا عليا، الحمد لله ده مرض وابتلاء من الله عز وجل وربنا أراد أنها تعدي على خير.

وتحدث عن وعكتة الصحية : صدقني أنا معرفش إيه اللي حصل ولا كان وضعي إيه، وكل اللي أعرفه أني كنت مع بعض الأصدقاء في زيارة في أمريكا ومكنش في بالي أي حاجة، وفي يوم من الأيام وأنا هناك حصل في رجلي التهاب خفيف جدًا ومعرفش سببه إيه ولا حصل ازاي، ورجعت مصر ومكنش عندي مشاكل وبعدين المنطقة بدأت توجعني وتكبر، رحت مستشفى كبيرة ومحترمة وقابلت دكتور وقالي لازم تعمل أشعة مقطعية وتلفزيونية، وإداني مضاد حيوي

واستكمل حديثة قائل: كل ده حصل معايا وأنا تامر شلتوت، يعني مش شخصية عامة ودي مستشفى خاصة، مش قطاع عام مثلا ورجعت البيت وخدت المضاد الحيوي ولقيت نفسي نايم 4 أيام، بصيت على أيدي لقيت المكان ورم الضعف وبيوجع جدًا ومش عارف أقف، والمساعد بتاعي وداني لدكتور ومن فضل ربنا عليا أني رحت لدكتور أمين، رحت له الساعة 12 بالليل مش قادر أمشي وبقوله أنا فيا إيه، وكل اللي قالهولي هناخد بنج كلي ولا نصفي، والدكتور ده أنقذ حياتي لأني كنت على المحك.

وكتب الفنان تامر شلتوت على هذا الفيديو معلقًا: حشرة كانت سبب في تدهور الحالة الصحية لـ تامر شلتوت وبفضل الله ود. محمد إبراهيم أستاذ الجراحة العامة والمناظير تم له الشفا