أكد الرئيس عبد الفتاح السيسي، ضرورة وحدة وتماسك الشعب المصري، قائلا: المهم الذي أثبتته كل الأحداث أن طول ما الشعب المصري متماسك أي حاجة تانية هتتقضي، إلا أن البلد يتعرض لتحدٍ خطير يفقدنا كل الجهد اللي إحنا بنبذله للحفاظ عليه وحماية وشعبنا».

وتابع الرئيس السيسي موجها حديثه للشعب المصري، على هامش فعاليات الندوة التثقيفية للقوات المسلحة: "حبيت أقولكم إن بلدنا بفضل الله بخير، وقدرات الجيش كفاية للدفاع عن بلدنا مش عشان نعمل حاجة ضد حد".

واستطرد: "كان بيتقال هل كان من المطلوب نجيب أسلحة للقوات المسلحة خلال العشر سنوات اللي فاتت؟.. أنا مش هجاوب على السؤال دة خالص، ومش عشان الحرب اللي موجودة دلوقتي.. لكن لازم تعرفوا إن الحفاظ على قوة الدولة الشاملة بكل معانيها سواء القوة العسكرية أو الاقتصادية والثقافية والوعي أمر مهم ونشارك فيه كلنا، لا بد أن تبقى القوات المسلحة والشرطة في أعلى جاهزية وقدرة لحماية البلد وهو أمر يجب علينا معرفته وتقديره.