تعرضت أسما شريف منير، إلي هجوم وتنمر، خلال الساعات الماضية، ذلك بسبب إطلالتها التي ظهرت بها في فعاليات مهرجان الجونة السينمائي.
وقالت أسما شريف منير، في تصريحات تليفزيونية: "أنا اتعرضت للتنمر، أنا تخينة عشان باخد دواء عشان كان بيجيلي نوبات هلع وصرع، ومش قادرة انزل من البيت من كتر الخوف".
في سياق أخر، تحدثت أسما شريف منير عن أزمتها مع العلاقات العاطفية، وذلك في أحدث ظهور لها عقب حذفها جميع صورها على حساباتها الرسمية.
ونشرت أسما صورة جديدة لها، عبر حسابها الرسمي "إنستجرام"؛ معلقة: "عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايمًا حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين".
وأضافت: "كنت دايمًا بقول لنفسي مش لازم كل حاجة تكون مثالية، المهم إني مرتاحة حتي لو موجوعة، ما هو ده الحب اللي أعرفه، مش الحب عذاب برضه؟، بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت أقعد مع نفسي وأسأل.. هل الراحة كفاية؟، هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟".