تحدث "هاني أبو ريدة" المرشح على رئاسة اتحاد الكرة، في الانتخابات المقرر إقامتها يوم 10 ديسمبر المقبل إنه سيفعل دور اللجان في الفترة لمساعدة مسئولي الجبلاية في عملهم.
وأشار أبو ريدة خلال مؤتمر صحفى بأحد الفنادق:"بشكر جمال علام ومجموعته على أداؤهم الفترة اللي فاتت وكل اللي جلس على كرسي الاتحاد لأنها مسئولية، كرة القدم هي المزاج العام للشعب، بشكر كل من تواجد في هذا العمل وكل الناس اللي اتعاملت معاهم على مدار 30 سنة فاتت".
وأكد:"كل أمنياتنا الفترة الجاية نسعد الشعب المصري والانتصارات، عاوز اشكر الأندية بالكامل اللي كسبت بطولات أسعدت الشعب المصري والفترة الجاية في لجان داخل الاتحاد مهمة جدا هنفعل دورها علشان تساعد الاتحاد".
وتابع:" مفيش نجاح بدون مشروع، من خبرتي السابقة في مشروع بدأ من 92 لـ 2004، دي من اسعد تجاربي في العمل التطوعي في اتحاد الكرة، وطلعت نجوم قدروا ياخدوا بطولات "4 أمم أفريقيا في 12 سنة"، بعد كده المشروع وقف".
وأضاف: "بنفكر نرجع المشروع ده ونوصل بيه لتعاقب أجيال يكون عندهم الخبرات الكافية ويلعبوا في المستوى الأول والتحكيم فيه مشاكل في كل العالم، لازم نفكر بشكل جدي في موضوع الحكام وازاي نطورهم، وازاي نصل للشكل المناسب، بوجه التحية لـ3 حكام راحوا معسكر كأس العالم، مهم مصر تكون ممثلة في كأس العالم، لكن الأهم إن الحكام يكون عندهم روح التعاون ويساعدوا بعض ميبقاش كل مجموعة عمل للحكام واقفة للآخرين".
وأوضح:"إحنا كل الموارد المتاحة في الفيفا هنحاول نستفيد بيها مع الحكام لتطويرهم على مستوى الدورات التدريبية وهنستغل علاقاتنا بالاتحاد الدولي لدعم مدربينا ودورات المدربين
وأتم: "بشكر الشركة المتحدة على دعم الاتحاد وبنفكر خارج الصندوق علشان يبقى عندنا موارد ندعم المنتخبات ونساعد الأندية وبنفكر في إعادة دوري المدارس علشان الشباب والنشء بتوعنا يتعودوا على الممارسة الرياضية الفترة الجاية".