نشرت الفنانة بدرية طلبة رسالة مؤثرة مع بداية السنة الجديدة 2025م، معبرا عن حزنها بوفاة زوجها المخرج مصطفى سالم.
كتبت بدرية طلبة منشور على حسابها الشخصي بموقع التواصل الاجتماعى الفيسبوك: "أنا مش عايزة سنة جديدة، أنا عايزة سنيني اللي فاتت، عايزة كل الحبايب اللي راحوا مني، عايزاهم يرجعوا ياخدوني في حضنهم ويطبطبوا عليّا، أنا تعبانة وموجوعة قوي وأنا قلبي مكسور وموحش جدًا، أنا محتاجة حضنهم يرجع ويطبطب عليّا، السنة الجديدة بالنسبة لي ملهاش معنى، استغفر الله العظيم وأدعي ربنا يرحمني برحمته الواسعة".
الجدير بالذكر، أن بدرية طلبة وجهت مؤخرا، رسالة غامضة تحدثت فيها عن الظلم الذى يتعرض له البعض بسبب حقد نفوس الأخرين.
وكتبت بدرية طلبة منشور عبر حسابها الرسمي على موقع فيسبوك، قائلة:"لما تظلم بني أدم وأنت متعرفش ظروفه وتغلط فيه وتسبه وترميه بالباطل وهو ميعرفكش أصلا ولا ضرك في يوم من الايام يبقي أنت شخص مريض نفسيآ ومحتاج تتعالج و حاقد وحاسد وقلبك مليان غل وسواد و ناقص تربية و ناسي ربنا وجاهل بتعاليم دينك يبقي العيب فيك".
واختتمت بدرية طلبة حديثها، معلقة:"ونصيحة لازم تقف مع نفسك واقفة حلوة كدا تراجع حساباتك علشان اللي زيك بتكون أخرته سودة ولما يروح للي خلقه بتكون سيرته".
وأثار غياب الفنانة بدرية طلبة عن جنازة زوجها جدلًا واسعًا بين جمهورها ومتابعيها، خاصة أن زوجها كان الداعم الأكبر لمسيرتها الفنية وشريك حياتها منذ سنوات طويلة، ولم تُعلن حتى الآن بدرية طلبة عن سبب تغيبها عن الجنازة، مما أثار تساؤلات عديدة.