وجهت الفنانة ملك أحمد زاهر، رسالة شكر للمخرج محمد سامي، وذلك بعد مشاركتها في مسلسل "سيد الناس" بطولة الفنان عمرو سعد، الذي يتم عرضه ضمن موسم مسلسلات رمضان 2025.
ونشرت ملك أحمد زاهر عبر حسابها على موقع التواصل الاجتماعي «إنستجرام»، صورة من كواليس العمل، وقالت: «بوست في حب و تقدير الاستاذ محمد سامي.. شكرا استاذ محمد علي الفرصة الي ادتهالي و الدور الي انا سعيدة و فرحانة من قلبي اني بعمله و شكرا عشان من غيرك ماكنتش حبيت الشخصية كده و عشت جواها و معاها وفي وقت قليل جدا بقيت ميادة شكرا يا استاذ عشان مش بتسيب ولا حد فينا من الكبير للصغير و شكرا عشان انت بتخاف علي ممثلينك و بتغير عليهم اكتر منهم هما شخصيا و عمرك ما بتعدي ولا حتي لو غلطة صغيرة عشان انت اكتر حاجة بتهمك هي الممثل بكل تفاصيله و عشان كده محدش غيرك بيعرف يجمع كمية النجوم الي كل واحد فيهم يشيل عمل لوحده في عمل واحد لأن كل ممثل عنده ثقة غير محدودة فيك و فإنك هاتطلعه بأحسن شكل».
View this post on Instagram
A post shared by Malak Zaher ملك زاهر (@malak.ahmed.zaherr)
وتابعت: «انا ماتوقعتش عمري رد الفعل ده علي الدور دلوقتي خصوصا ان الشخصية لسه هاتشد اكتر قدام بس حقيقي الي يطلع في مشهد في مسلسل لمحمد سامي بيتشاف و بيتميز بنفس القدر الي ممكن ياخده بعد ٣٠ حلقة من اي عمل تاني مش بس مشهد واحد حقيقي انا فخورة اني جزء من عمل مهم زي #سيد_الناس و فخورة اني كنت اختيارك و يارب اكون كنت قد الفرصه شكرا عشان اديتني الفرصة اكون ضمن مدرسة محمد سامي و شكرا عشان انت ابويا التاني يا سمسم بحبك».
مسلسل سيد الناس
مسلسل "سيد الناس"، الذي يُعرض حاليًا ويضم نخبة من نجوم الدراما المصرية، منهم عمرو سعد، أحمد زاهر، مصطفى عماد، ريم مصطفى، سلوى عثمان، ملك أحمد زاهر، منة فضالي، إلهام شاهين، رنا رئيس، محمود قابيل، خالد الصاوي، أحمد فهيم، أحمد رزق، جوري بكر، محمود سراج، كريم عفيفي، صلاح عبد الله، محمد لطفي، وإنجي المقدم، المسلسل من إخراج محمد سامي، ويعد أحد أبرز الأعمال الدرامية في الموسم الحالي.