أثار شريف إكرامي حارس مرمى بيراميدز، حالة من الجدل الشديد على مواقع التواصل الاجتماعي، خلال الساعات الماضية، بعد التغريدة التي أطلقها عبر حسابه بموقع التواصل الاجتماعي اكس.
وكتب إكرامي معلقا على قرار لجنة الاستئناف بخصوص مباراة الأهلي والزمالك: "قرار لا يحتاج خبير ليكشف عواره، ولا اللائحة محتاجة متخصص علشان يوضح ثغراتها..المشهد مكشوف والتجميل ما بقاش ينفع... ارتعاش اللوائح وتفصيل القرارات اصبح جزء أصيل من ثقافة المنظومة و سبب اساسي في تدهورها... و عشان نقدر نبني منظومة تحترم نفسها و تتطور.".
وأضاف: "ثبات القرار و استقلالية القواعد من اي عوامل خارجيه هوحجر الأساس..ووسط الارتباك ده بيظهر نوع تاني من الخطر بيظهر ناس بتقبل الظلم والتدليس لما يكون في مصلحتها وبتجتهد في اختراع مبررات عشان تمحي بيها شعورها بالذنب وده للأسف بيكشف التناقض بين قيمهم وأفعالهم بس التبرير عمره ما بيمحي الحقيقة بالعكس ساعات بيعريها أكثر خصوصا لما نكون قدام حالة تدليس واعي ومتعمد، وده أخطر من الكذب، لأنه بيغلف الباطل بقناع المنطق ويوهمك ان الغلط صح."
وأكمل:"وكالعادة، هيتحول الجدل من مناقشة قرار مشوّه لتبادل اتهامات، وتخوين وتشويه كل صوت مختلف، وكأن المشكلة مش في القرار، لكن في اللي بينتقده..و عموماً الكورة زيها زي الدنيا ، قيم الناس الحقيقية بتبان فيها وقت الاختبار".
وختم بقوله :"في النهايه كامل احترامي لكل من اختار ضميره قبل انتمائه لان الحق ما بقاش بيتقال مش عشان الناس نسيته بس عشان بقوا خايفين يدفعوا تمنه." وهاجمت جماهير الأهلي حارسها السابق، حيث ترى أنه يتحدث لوجوده في نادي بيراميدز.