تصدر الفنان عمرو سعد تريند جوجل خلال الساعات الماضية، ذلك بعد حديثه عن الزعيم عادل إمام فى أول لقاء له، وموقفة معه.
قال عمرو سعد فى لقائه مع أنس بوخش: "عادل إمام.. أي لقب لا يوفّيه، حتى لقب الزعيم ده قليل عليه، كنت في عزاء والدة الفنان محمد فؤاد، ولسه بادي في مشواري الفني، وكان عندي مزيج من الغرور والخجل، كنت بخاف أظهر في الإعلام، عشان ساعات أقول كلام يبوظ مني، والمذيعين يحاولوا يشكلوني على مزاجهم".
وأضاف: فى العزاء اتفاجيت بعادل إمام أنه يمسك بيدي ويطلب مني الجلوس جانبه، رغم وجود عدد كبير من النجوم، قائلًا له:"حلو الراجل الصعيدي اللي أنت عامله في دكان شحاتة، أنت ممثل حلو.
واستكمل:"بعد العزاء قالي اركب معايا، هنروح نزور أحمد السقا اللي كان عامل عملية وقتها، وفي الطريق قالي نصيحة عمري ما نسيتها.. ليه زعلان؟ ليه متحفز؟ قولتله بخاف من الإعلام وبيكتبوا عني بشكل سلبي، وبيتجاهلوني وبيكتبوا بس عن هيفاء وهبي".
وأضاف:"قالي إنت طالع ليه تتكلم عن عمر الشريف؟! تحتفظ برأيك لنفسك، الفنان مش المفروض يقول رأيه في زميله، الشغل هو اللي يثبتك.. أنا اتحاربت 11 سنة، وكان في ناس بتسقط اسمي من إعلانات الأفلام، بس مهتمتش.. لأن الشغل هو اللي بيعيش في أذهان الناس، لما تعمل حاجة فيها قيمة للمشاهد"
واختتم عمرو سعد حديثه مؤكدًا:بعد اللقاء ده اتعلمت كتير من عادل إمام، ومن ذكاءه ونظرته الثاقبة للفن والإعلام