حرص الفنان شريف منير على تهنئة ابنته أسما شريف منير بمناسبة زواجها، موجهًا رسالة مؤثرة لزوجها.
وشارك شريف منير عبر حسابه على موقع التواصل الاجتماعي «إنستجرام»، مقطع فيديو من عقد القرآن، وقال:«أسما تعبت وكافحت ووقفت جنبي كتير، وتعتبر أم لي، وهي اللي بتوجهني في حياتي، ونفسي جدًا إن أحمد ياخد باله منها، ويحافظ عليها ويحتويها وأنا في يوم هامشي، وعايز أبقى مطمن عليها، وأنا لما اتكلمت معاه حسيت إنه إنسان جميل جدًا، وأسما كلمتني عليه كتير».
وعلق على الفيديو، قائلًا: «ألف مبروك يا حبيبتي، ربنا يهنيكي ويسعدك».
أسما شريف منير تعلن عن زواجها
أعلنت الإعلامية أسما شريف منير زواجها من خارج الوسط الفني بالرياضي أحمد عزمي، وشاركت عبر حسابها على "إنستجرام"، مجموعة صور من حفل الزفاف، وكتبت: "أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود".
وتحدثت عن علاقتها بالله خلال تلك المرحلة، قائلة: "قعدت فترة كبيرة جداً بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا... كنت دايماً بقول: يا رب اختار لي ولا تخيرني، وحاولت إني أدعي ربنا كتير قوي إنه يقف جنبي ويختار لي، وكنت دايماً بقول: يا رب اختار لي ولا تخيرني، وكنت مركزة جداً في موضوع إني أتعامل بالتوكل، وتوكلت على ربنا تماماً تماماً في القرار ده، وتعاملت على إنه هو اللي هيجوزني وهو اللي هيقول لي أعمل إيه. قلت له: سهل لي الطرق المعينة اللي أنت عايزني أعملها".