نشر محمد علي رزق صورة لبوستر مسرحيتة في يوم و ليلة عبر حسابة الخاص على موقع التواصل الأجتماعي "انستجرام"قائلا:" نظراً للظروف الطارئه التي يمر بها المسرح….توقف العرض المسرحي " في يوم و ليلة "
و اكمل قائلا:"حابب اتكلم عن التجربه دي و أقول إنها كانت تجربة مهمة جداً …إتعلمت فيها حاجات كتير أوي على المستوى الإنساني قبل الفني شكراً أستاذي و أبويا الروحي خالد جلال إللي لولاه عمري ماكنت هبقى بكتب بوست زي ده دلوقتي ولا عمري ماكنت خدت خطوه مهمه فحياتي بشكل عام و في المسرح بشكل خاص
و قدم الشكر لفريق عمل المسرحية:"شكراً الأخ الكبير أستاذ هشام عطوه رئيس البيت الفني للمسرح لإيمانه بالمشروع من أول يوم و دعمه الدائم لينا شكراً الأخ و الصديق الجدع ياسرالطوبجي مدير المسرح الكوميدي…على مجهودك و على وقفتك فضهر العرض من أول يوم لأخر يوم…من فترة ماشوفتش مدير بيحب شغله و زمايله و طول الوقت همه الأول و الأخير النجاح و إن الكاست يكون مبسوط و مرتاح
و أضاف:"و في النهاية شكراً محمدعبدالستار مؤلف و مخرج العرض على تعبك و مجهودك ربنا يوفقك في خطواتك إللي جايه ..شكراً لكل زمايلي و أصدقائي...اتشرفت بالوقوف جنبكم على خشبة المسرح و التمثيل معاكم شكراً دكتور عمرو عبدلله مهندس الديكور لتعبك معانا و لمجهودك الكبير
و أختتم قائلا:"شكراً دكتورة فدوى الهنيدي مصممة الإستعراضات شكراً الإستايلست / مها عبد الرحمن شكراً كاچو مصمم الإضاءة شكراً لكل الإداريين و الفنيين و العاملين بمسرح ميامي أجازة طويلة من المسرح …و إن شاء الله الواحد يرجع بتجربة جديدة و حلوه"