انتقد الفنان تامر فرج، صانع المحتوي أحمد الغندور المشهور بـ الدحيح، ذلك بعد عرض حلقته عن الحضارة المصرية، معبرا عن استيائه مما وصفه بـ"الاستخفاف بالتاريخ المصري لحساب انتماءات أخرى".
كتب تامر فرج منشور على حسابه الشخصي بموقع التواصل الاجتماعى الفيسبوك:"معنديش مشكلة مع أحمد الغندور لكن الشخص اللى بيكتب الحلقة اللى بتستخف بالحضارة المصرية القديمة، لصالح فكرة إحنا عرب ومش عارف إيه.. أنا مع كل ما يجمع ولا يفرق ويفتت، إحنا بننتمي للثقافة العربية وبننتمى للديانة والمعتقدات الإسلامية، وبننتمى للجغرافيا الافريقيه والأسيوية، وبننتمى للفكر والرقى الفرانكوفوني، وبننتمى للمناخ المتوسطى وبننتمى للقوميه الشرق اوسطيه".
أضاف تامر فرج:"إحنا بنتجمع مع الناس كلها فيما يجمع ولا يفرق، لكن أولًا وأخيرًا نحن عرقيه وحضارة مصرية أولا وأخيرا نحن مصريون، أولا وأخيرًا انتماءنا مصرى مصرى مصرى، والحقيقة اللى مش عايز يفهمها المتشدقون بالانتماء للعرب".
تابع:"وبيقولوا نحن أحفاد عمر وعلي وأبو بكر والرسول عليه الصلاة والسلام خدوا التقيلة، العرب أنفسهم هم أحفاد إسماعيل عليه السلام، وإسماعيل هو ابن هاجر المصرية، يبقى اللى عايز ينتمى يبقى ينتمى لمصر وللمصريين".