وجه أحمد سيد زيزو نجم الأهلي رسالة غامضة، عبر ستوري إنستجرام، صباح اليوم الخميس، إلى أحد الأشخاص.
وكتب زيزو: "السؤال الوحيد و الأوحد اللي مش عايز يطلع من دماغي و نفسي الاقي لي إجابه ! هو بجد لما حد يخوض في عرض الناس ويقعد يشتم فيهم ويسب ويتنمر و و و دا بيعود ولا بيرجع عليه ب ايه ! هل بيروح البيت بيلاقي بيته اتغير ، طيب بيبص تحت بيته بيلاقي العربيه اللي نفسه يجيبها ؟ طيب ولاده وصلو للمكانة اللي بيتمناها ؟ طيب عيش ابوه و امه في حاجه يستحقوها!".
وأضاف: "مش قادر استوعب فعلا الموضوع ، بلاش انت ، هل اللي بتخوض في عرضه دا وبتشتمه وتتنمر عليه بيصحي بعد شتيمتك دي مش شغال نفس الشغلانه؟ معندوش نفس البيت ؟ طب و العربيه ؟ حياتكو يعني اتغيرت ؟ الاجابه لا !! طيب ليه بتعمل كده ، عمال تكبر وتكثر في ذنوب الله اعلم هتعرف تمسحهم ولا لا و مفيش حاجه علي ارض الواقع بتتغير بعد الشتيمه دي كلها !!!".
وواصل كلامه: "مش بتشوف كل الناس اللي فجاءه مبقوش حواليك ؟ دي مش حاجه تخليك تتعظ ! تخليك تفكر أنا بعمل كده ليه و عشان ايه ! فكر كويس عشان و الله ما في حاجه مستاهله ، اعرف ان رزقك كده كده ربنا كاتبه لك و انت بتختار الطريقه اللي بيجيلك بيها الرزق فا خليها دايما طريقك کویسه و افتكر دايما انها مش دايمه ، صباحكم جميل".