أعربت الإعلامية داليا فرج، طليقة المخرج الراحل سامح عبد العزيز، عن مشاعرها العميقة تجاهه، مؤكدة أن العلاقة التي جمعتهما ظلت قائمة على الاحترام والمودة، رغم الانفصال الرسمي بينهما.
وكتبت داليا فرج عبر حسابها على موقع التواصل الاجتماعي «فيسبوك»، «محدش يقول طليقته ولا مطلقين.. اللى بينا أقوى من أي ورقة ولا كلمة.. سامح لما كان يعرفني على ناس يقول الإكس مرة كده من تحت الضرس والباقى يقول داليا مراتي».
كما شاركت داليا فرج، بعد ساعات من وفاته، بوست عبر حسابها على «فيسبوك»، عمعربة خلاله عن عمق العلاقة التي جمعتهما، والتي لم تغيرها أوراق الطلاق ولا مرور الزمن.
وكتبت داليا فرج: «اللي بينا حاجة مافيش غيرنا فاهمها... فاهمين تفاصيل بعض.. بنفهم بعض من نظرة.. نتخانق بقى.. نزعل.. نحلف ما نكلم بعض تاني، تقريبا نص الصيام اللي بصومه رايح على الحلفان، وأول ما تكلمني أنسى وأصالحك على طول علشان عارفة إن قلبك طيب... بيبي كبير وضخم».
وأضافت: «علشان اللي جوانا بتاعنا إحنا وبس.. مش حاجة ممكن تفهموها أو تسموها.. لينا تأثير قوي على بعض.. فيه حتة جوة كل واحد فينا للتاني، خاصة ومختلفة.. عشرة عمري، حبيبي، أبو بناتي».
وأشارت داليا إلى أنها كانت بجانبه خلال الأيام الأخيرة قبل وفاته، وقالت: «رغم إنك مشيت، بس اللي مريحني إن آخر 20 يوم كنا مع بعض كلنا على طول... يا رب ما أكونش قصرت في حقك... هتوحشني أوي يا حبيبي يا غالي، زي ما كنت بقولك دايمًا 'أنت الغالي' وترد 'حبيبتي'... مش مصدقة إني بقولها: ربنا يرحمك يا حبيبي ويسكنك فسيح جناته، ويقدرني على المسؤولية».
وفاة سامح عبد العزيز
كان سامح عبد العزيز قد توفي في الساعات الأولى من صباح الخميس، عن عمر ناهز 49 عام، بعد أزمة صحية مفاجئة دخل على إثرها المستشفى خلال الأيام الماضية، عقب إصابته بعدوى فيروسية في الدم أدت إلى ارتفاع حاد في نسبة السكر، مما تسبب في تدهور حالته الصحية بشكل سريع ورحيله المفاجئ.