أعربت الفنانة تارا عماد عن تأثرها العميق بتجربتها في مسلسل "كتالوج"، مؤكدة أنه لم يكن مجرد عمل فني عابر، بل تجربة إنسانية استثنائية أثرت في كل من شارك بها، سواء أمام الكاميرا أو خلفها، كما كشفت عن لحظة شخصية فارقة عاشتها خلال التصوير، حيث فقدت والدتها في تلك الفترة، وهو ما جعل ارتباطها بالمسلسل مختلفًا وعاطفيًا.
ونشرت تارا عماد عبر حسابها على موقع التواصل الاجتماعي "إنستجرام"، كواليس المسلسل، وكتبت: "اقدر اتكلم عن نفسي وعن كل واحد اشتغل في المسلسل ده، سواء قدام الكاميرا أو وراها، إن كلنا اتأثرنا بـ"كتالوج" بأشكال مختلفة، وفي نفس الوقت أثر فينا بشكل موحد، الفقدان، مع إنه محطة هنقف فيها كلنا، بس برضو دائمًا بتكون صادمة."
وتابعت: "آخر صورة هي صورة من قاعدة طرابيزة عملناها علشان نقرأ السكريبت كلنا، وأنا فاكرة كويس إني رجعت يومها البيت وحكيت لمامتي عن المسلسل، وإني متحمسة، وقتها فكرة الفقدان مكنتش بتسمع أوي عندي، أو بالأصح كنت فاهمة الفكرة، بس إحساسها كان بعيد عني."
وأضافت: "ابتديت تصوير "كتالوج" السنة اللي فاتت، وصورت كام مشهد، وبعدها والدتي توفت – الله يرحمها، كملت تصوير المسلسل بعدها بشوية، لأني كنت عارفة قد إيه مامتي كانت هتبقى عايزاني أكون كويسة، وقد إيه كانت متحمسة للمسلسل، يشاء القدر إن أول يوم أرجع أصور فيه، يكون مشهد بقول فيه: "ادعولها بالرحمة، لو شوفتوا المسلسل هتعرفوا المشهد، في لحظتها، ولحد دلوقتي، مقدرش أنكر ولو للحظة إن مامتي كانت معايا، وحاسة بيا، وسمعاني، وبتسندني... وما زالت."
أبطال مسلسل كتالوج
مسلسل كتالوج من بطولة محمد فراج ، وظهور خاص للنجمة ريهام عبد الغفور، سماح أنور، تارا عماد، صدقى صخر ، خالد كمال، بيومى فؤاد، دنيا سامى، الطفل على البيلى، أحمد عصام السيد، الطفلة ريتال عبد العزيز، إنتاج أحمد الجنايني وتأليف أيمن وتار وإخراج وليد الحلفاوي.