حل الفنان أحمد السعدني ضيف على الإعلامي أنس بوخش في برنامج ABtalks، حيث كشف العديد من تفاصيل حياته الشخصية والمهنية، متحدث بصراحة عن طفولته، وزواجه، ووفاة طليقته، وتجربته مع فقدان المسؤولية والخوف من المستقبل.
وقال السعدني:"عندي سنة خوف، عمري ما كنت بحب المسئولية وبخاف على الناس اللي حواليا"، موضحًا أن نشأته مع أب مشهور لم تكن سهلة:"طفولتي كانت بريئة لكن وجودي مع والدي المعروف كان مضيقني، وده خلاني أخاف على أولادي من التجربة نفسها، لأننا كنا بنروح أي مكان والناس بتتلم حوالينا ومش بنعرف ناخد راحتنا".
وعن حياته الزوجية، أوضح: "الجواز والطلاق والخلفة رزق، وأنا مؤمن إن البني آدم ملوش اختيارات في حاجات كتير. سايب نفسي زي اللي راكب الموجة واللي يحصل يحصل".
وتحدث بألم عن وفاة طليقته وأم أولاده، قائلاً: "اليوم ده حسيت إني كبرت 15 سنة مرة واحدة، وكان في ندم وتأنيب ضمير كبير، بس حاولت أتغلب عليهم".
وأكد أنه لا ينصح أي شاب بالزواج في سن صغير، معترف: "اتجوزت وأنا لسه عيل، مكنتش بشتغل وباخد مصروف، وانفصلنا بعد شهر واحد من الجواز، وأي غلطات حصلت مكنتش مقصودة لكن كنت قليل الخبرة، فكرة الجواز التاني مش بتخطر على بالي، مش عارف يمكن اتعقدت".
الجدير بالذكر، أن آخر أعمال الفنان أحمد ال سعدني، مسلسل "لام شمسية" وحقق نجاح جماهيري كبير بمشاركة نخبة من النجوم بينهم أمينة خليل، يسرا اللوزي، محمد شاهين، وأسيل عمران، ومن تأليف مريم نعوم وإخراج كريم الشناوى.