أكد الإعلامي الساخر باسم يوسف أن الكوميديا بطبيعتها تعتمد على الجرأة وكسر الحدود، موضحًا أن ما يثير الضحك لدى الناس في مختلف أنحاء العالم غالبا ما يرتبط بـ الدين والجنس والسياسة.
وقال يوسف في تصريحاته خلال حواره ببرنامج «كلمة أخيرة» على قناة ON E:«الكوميديا زي الأوبن بوفيه.. كل واحد ياخد منها اللي يناسبه، واللي بيضحك الناس فعلاً هو الدين والسياسة والجنس، وأنا عارف إن ده بيكسر حدود، بس دي طبيعة الفن الساخر».
وأضاف: «زمان كنا بنستخدم الإيحاءات في الكوميديا، ولو الجمهور ما فهمهاش يبقى مؤدب، أنا بنزل لمستوى الناس اللي بتسف، واللي مش عاجبه ميتفرجش».
تحدث باسم يوسف أيضا عن رؤيته للوضع بين المصريين في الداخل والخارج، مشيرًا إلى أنه يشعر بوجود انفصال فكري وثقافي بين الجانبين، قائلاً:«شايف في انفصال بين اللي بيحصل في مصر واللي عايشين في أمريكا، ونفسي أنقل تجربتي من هناك للناس في بلدي، لأن الغرب استخدم الفن والإعلام والكوميديا عشان يقللوا مننا».
أما عن المجتمع الأمريكي، فقال يوسف إن الصورة التي يراها الناس عنه سطحية وغير دقيقة، موضحا: «أمريكا مش مجرد حكومة وسياسيين.. البلد دي مرعبة فعلا، بتحكمها قوة الفلوس، لأن في النهاية الفلوس هي اللي بتحكم كل حاجة هناك».