علق المؤلف عمرو محمود ياسين على موجة الانتقادات التي طالت مخرج احتفالية افتتاح المتحف المصري الكبير، معربًا عن استيائه من حملات السخرية والتنمر التي انتشرت عبر مواقع التواصل الاجتماعي عقب الحفل.
وكتب ياسين عبر حسابه الشخصي بموقع التواصل الاجتماعى الفيسبوك:"يا جماعة خلاص عيب والله العظيم، مش معقول السوشيال ميديا كلها طالعة تهاجم أو تسخر أو تتنمر، حتى اللي بينزل صورته وحاجات غريبة جدًا. لو فرضًا إن في بعض الأخطاء، هل ده يبرر الكم ده من الهجوم؟".
وأضاف:"كأن الراجل المحترم ده مالوش أهل ولا زوجة ولا أولاد، حد فكر هو هينام ازاي الليلة دي؟ أو في أسرته؟ اللي مش عاجبه الإخراج يعرف إن الموضوع ببساطة ممكن يكون مسألة عدم توفيق مش أكتر."
واستكمل عمرو محمود ياسين :"كلنا ممكن نشتغل حاجة وتنجح أو لا، ليه المشانق اللي بتتعلق دي؟ وبعد كده لما حد بيجراله حاجة من الضغط النفسي نزعل!".
واختتم حديثه بدعوة الجمهور إلى الترفق:"الراجل ده بقاله فترة تحت ضغط نفسي ومجهود كبير.. بالراحة شوية، مش كده."