أعربت النجمة زينة، عن سعادتها البالغة بحجم التفاعل الجماهيري مع مسلسل "ورد وشوكولاتة"، موضحة أنها تفاجأت بالنجاح الذي حققه العمل، وخصوصًا من خلال ما شهدته بنفسها في الشارع. وقالت زينة في تصريحات صحفية: "أنا شفت ردود أفعال كبيرة قوي، بجد اتخضيت، الحمد لله يا رب، لسه قريب كنت في أوتيل استعدادًا لمهرجان، ولقيت ناس بتجرى علي، ناس من الكويت ودول عربية، بيجروا جري غير طبيعي عشان يسلموا علي، فطبيعى إن حد يقوم يسلم علي لو أنا معدية، لكن المشهد اللي شوفته، ناس بتجري وبتعمل مجهود كبير، دي لقطات ما بتحصلش غير بعد نجاح كبير، وأنا عارفاها كويس". وأكدت أن مواقع التواصل الاجتماعي لا تعد دائمًا مؤشرًا واقعيًا لقياس النجاح، قائلة: "في السوشيال ميديا ساعات بنشوف حاجات مش ناجحة ونلاقي عليها ردود أفعال كبيرة، لكن أنا رد الفعل الحقيقي بشوفه في الشارع".