كشف الفنان بدوي فهمي عن تفاصيل الدعم الذي تلقاه من الفنان ياسر جلال خلال فترة مرضه وإقامته بالمستشفى، مؤكداً أنه حرص على زيارته بعيدا عن أعين الصحافة.
وقال الفنان بدوي فهمي خلال لقائه مع الإعلامية نهال طايل في برنماج «تفاصيل» المذاع على قناة «صدى البلد 2» إنه قضى 17 يومًا داخل المستشفى، وكان ياسر جلال يحرص على زيارته ليلا بعيدا عن الأضواء، موضحًا: «بقالي في المستشفى 17 يوم، والفنان ياسر جلال بيجيلي بالليل عشان مش عايز الناس والصحافة تشوفه».
وأضاف الفنان بدوي فهمي: «أنا كنت بعمل العملية والمستشفى مفيهاش منظار وياسر جلال كان كان مسافر برا مصر بعت فلوس وجابلي المنظار عشان أعمل العملية».
وأوضح الفنان بدوي فهمي: «أنا فرحان بالمرض، عشان لما ربنا بيحب حد بيجبله المرض عشان يشيل عنه الذنوب، أنا عايز أمشي من الدنيا دي وولادي مستورين».
واختتم الفنان بدوي فهمي: «ياسر جلال قالي ولادك وبناتك وعيلتك في عنيا وأنت هتكون كويس وهتشتغل معايا في مسلسل».