كشفت الفنانة ميمي جمال عن سر استمرار زواجها من الفنان الراحل حسن مصطفى لأكثر من 50 عامًا، مؤكدة أن الحب والعطاء والاحترام كانت من أهم أسباب نجاح العلاقة رغم ما شهدته من تحديات.
وقالت ميمي جمال خلال لقائها في برنامج «الستات» إن الرجل يجب أن يشعر بالحب والراحة داخل منزله، موضحة: «نمبر وان لازم يكون بيحبك، وبعدين نمبر تو عطاؤك، وبعدين لازم يلاقي راحته في بيته، حابب ييجي يقعد».
وأضافت: «البيت ده اللي يلاقي فيه واحدة بتقابله حلو، وبتعمله اللي هو نفسه فيه، وحاجته وجمته محطوطة على سريره مظبوطة، وأنا في بيتي بحب ده».
وتحدثت ميمي عن اهتمامها بالمطبخ، مؤكدة أنه كان جزءًا مهمًا من حياتها مع حسن مصطفى، وقالت: «أنا أستاذة مطبخ وبحب المطبخ، وكل أكلاتي أنا وهو قاعدين في المطبخ، وكان بيديني أوردرات وأنا بنفذ».
وأوضحت أن حسن مصطفى كان يفضل تناول الطعام من يديها أو من يد والدتها، قائلة: «كان ما بيحبش يأكل من إيد حد غيري أو من إيد أمي، فكنت بعمل أكل زيادة مخصوص عشانه».
وعن الغيرة والاحترام بين الزوجين، شددت ميمي جمال على أهمية الحفاظ على كرامة الطرف الآخر، قائلة: «فيه كرامة في الحب، يعني زي ما بعملك كويس تعملي كويس، وزي ما بديك حقك وزيادة أنت كمان لازم تديني حقي وزيادة».
واختتمت حديثها بالتأكيد على أن الاحترام هو الأساس في أي علاقة زوجية، قائلة: «أنت لا تجرحني وأنا لا أجرحك».