طرح الكينج محمد منير أحدث أغانيه «يسألوا عنك»، عبر مختلف منصات الاستماع والموسيقى، إلى جانب موقع «يوتيوب»، وسط تفاعل من جمهوره ومحبيه.
أغنية «يسألوا عنك» من كلمات مصطفى حدوتة، وتوزيع رومان بونكا، فيما تولى أسامة الهندي مهمة الميكس والماستر.
وتأتي الأغنية في إطار رومانسي، حيث يعبر محمد منير من خلالها عن مشاعر الحب والإعجاب، ويقدمها بأسلوبه الغنائي المميز.
وتقول كلمات الأغنية: «شايف رسم الشفايف وشعرك سايح الكتاف، سامع عنك وعارف بس اللي سمعوا غير اللي شاف».
وتقول كلمات أغنية «يسألو عنك »:"
شايف رسم الشفايف وشعرك سايح الكتاف
سامع عنك وعارف بس اللى سمعوا غير اللى شاف
شايف رسم الشفايف وشعرك سايح الكتاف
سامع عنك وعارف بس اللى سمعوا غير اللى شاف
الصبر قصاد عنيكى محتاج قوه وعزيمه
مقدرش اصبر عليكي
انا هفضل أحب فيكى لو كان حبك جريمة
يسألوا عنى فى مسائل وما فيش حل الا جوز عيون
بيجننوا كل عاقل ويزيدوا المجنون جنون
يسألوا عنى فى مسائل وما فيش حل الا جوز عيون
بيجننوا كل عاقل ويزيدوا المجنون جنون
بس انا لافف وداير واعرف حل وطريقه واعرف افك الضفاير واعرف الضفاير
واقراء العين الجريئة
هكتب عنك قصايد وهزيدك من الشعر بيت
ياحبيبتى القلب رايد ان انا أو انتى يجمعنا بيت
جنبك قايم ونايم مش هنضيع دقيقة
جايلك سالم وغانم من شط لشط عايم
ياللى بحورك غريقه