حرصت الفنانة مي كساب على الرد على الجدل المثار مؤخرًا حول ظهورها الأخير مرتدية تيشيرت أثار انتقادات عبر مواقع التواصل الاجتماعي، وذلك من خلال مقطع فيديو نشرته عبر حسابها الرسمي على موقع التواصل الاجتماعي «فيسبوك».
وقالت مي كساب في الفيديو: «كنتش هرد لأني مش من النوع اللي بيرد سوشيال ميديا، وخاصة لو على تريند تافه، بس صاحبتي قالتلي لازم تطلعي للناس وتردي، وأديني طلعلكم بنفسي، شكرًا للناس اللي افترضت فيا حسن النية وأني أكيد ما شوفتش الرسومات اللي على التيشيرت، وإني لو شوفتها مكنتش هلبسه».
وأضافت: «ولو كان المذيع كمان شافها كان أكيد هيقولي، عشان كل كلامنا كان له علاقة بالدين وبالحاجات اللي نفسي فيها وكلام إنساني وكلام ديني، فأكيد مكنتش هلبسه وأنا شايفة الرسمة اللي عليه كده، وفعلاً أنا كنت فكراه مرسوم عليه سبونج بوب، ولا حتى عارفة اسم الكارتون الحقيقي ولا شايفة الرسمة، وشكرًا تاني لكل الناس اللي افترضت فيا حسن النية، لكن اللي افترض سوء النية ربنا يسامحه».
## مي كساب تعاتب أحمد الفيشاوي بسبب «تامر وشوقية»
وفي سياق آخر، أعربت الفنانة مي كساب عن حزنها من الفنان أحمد الفيشاوي بسبب توقف أجزاء مسلسل «تامر وشوقية»، مؤكدة أنها كانت تتمنى استمرار العمل وتقديم أجزاء جديدة منه، خاصة مع ارتباطها الشديد بالشخصية والأجواء التي عاشتها خلال التصوير.
وقالت مي كساب، في تصريحات إعلامية، إنها تعاتب أحمد الفيشاوي بسبب قراره عدم استكمال المسلسل، الذي شكّل محطة مميزة في مشوارها الفني، وكانت تستمتع كثيرًا بالمشاركة فيه.
ووجهت مي كساب رسالة إلى أحمد الفيشاوي، قائلة: «أنا زعلانة منك، وعاوزة أقولك: إزاي تفرط في تامر وشوقية؟ زعلانة منه جدًا.. هان عليك تامر وشوقية يا فيشو؟».
وأوضحت مي أن المسلسل كان يمثل لها تجربة خاصة، ولم تكن تتمنى انتهاءه، مضيفة: «المسلسل ده كان بالنسبة لي حاجة بستمتع بيها أوي، مكنتش أتمنى إنه ينتهي».