بعثت الإعلامية سالي عبد السلام برسالة حب لوالدتها عبر حسابها بموقع الصور الشهير "إنستجرام".

ونشرت عبد السلام صورة تجمعها بوالدتها وعلقت عليها قائلة: "أنا تربية الست دي، لما حد يقولك يسلم اللى ربى وطلع مبادئ وشخصية ورحمة وعين مليانة تتباهى بأهلك".

وتابعت: "الست دى كل يوم بتعلمنى درس معنى كل يوم، وكأى عيلة مصرية انانية اصيلة! وأنا أولهم وأنا صغيرة دمرتلها كل أحلامها وأي شغل عملته عشان مبقاش لوحدى وبابي جه كمل.. أنا آسفة بس أنا بحبك، الدبة اللى اكلت مش قتلت صاحبها".

وواصلت: "الست دى بعد العمر ده كله لسه حلمها مماتش! غفلتنا كلنا اللهم صلى على النبى وراحت تاخد كورسات فاشون ديزايننج رحت و فاجئتها رحت اخدها زى ما كانت بتاخدنى من المدرسة، لا ومظبطة أيامه مع أيام شغلى عشان لما تسافر معايا فى التصوير! أنا فخورة بيكى! بحبك! تربيتك! انتى اللى عملتيني".

واستكملت: "لكل ام محققتش حلمها العمر لسه! إحنا هنبطل نبقى أنانيين..ربنا يخليهم ليكوا ويرحمهم ويعوضكم آخرة ودنيا لو مش موجودين معاكم.. الدنيا بتلف مع أهلك فعلاً..بتتعكس! زى ما عملولك لازم تعوضهم! ربى ارحمهما كما ربيانى صغيرا".