أعلن النجم عمرو سعد خروج مسلسله "بركة" من المنافسة في سباق دراما رمضان، حيث نشر على صفحته بموقع "إنستجرام" بيانًا مخاطبًا جمهوره، جاء فيه :"كان نفسي أكون معاكم في رمضان السنة دي، بس الظّاهر إن اتضرب عليّا نار، أنا عاوز أقول لكم إن اللي بيعيش في القلوب مايموتش أبدا، وبركة زي الدهب قيمته فيه وراجع بحجم الحب والثقة والاحترام المتبادل".
وأضاف سعد، خلال بيانه على صفحته بـ"انستجرام": "قريب هاقول لكم على كل التفاصيل علشان الكلام كتير والإشاعات أكتر، وأنا عمري ما تاجرت بمعاناة ولا اتكلمت عن نجاح ولا تباهيت بشهرة لأني مؤمن من أول يوم طلعت على أفيش أول أفلامي إن بطل الناس واحد منهم، ودعيت ساعتها من ربنا إني ما اتغيّرش، وأظن ربنا استجاب علشان أفضل طول عمري شايف بعيونكم وحاسس زيكم، إنتم تاجي وأهلي وعزوتي وناسي وحمايتي ضد أي قوة بتفكر توقفني، الصدق بيوصل والأفضل بيعيش ويستمر ويلاطم الزمن بكل بلاويه، الحمد لله على كل شيء والشكر لله، وكل سنة وأنتم طيبين".
مسلسل "بركة" تأليف محمد الشواف، وإخراج محمد بركة، للمنتج تامر مرسى، بطولة عمرو سعد، وهالة صدقي، وكمال أبو رية، وعايدة رياض، وعمر زهران، وأحمد حلاوة، ومصطفى درويش، وهنادي مهنّى، وعمرو زهران، وأحمد جمال سعيد.