نشرت الفنانة شيرين عبد الوهاب عبر صفحتها الشخصية على موقع تبادل الصور "إنستجرام"، رسالة صوتية تعتذر فيها للهضبة عمرو دياب عن ما صدر منها في الفيديو المسرب من حفل عمرو يوسف وكندة علوش، والذى أساءت فيه لبعض رموز الفن واعتبره البعض أنه موجه إلى الميجا ستار عمرو دياب.

وجاء نص الرسالة: "مفيش حد كبير على الغلط، أنا عايزة أوضح لك إن أنا كنت ساعتها بهزر، وكل واحد من اللي اتكلمت عليهم، قيمته كبيرة عندي، وأنا كنت في حفلة خاصة، وكنت بهزر، لكن لما بطلع على (التي في) بدي لكل واحد قيمته، ومستحيل أتطاول على حد أيًا كان، حتى لو كان حد بيكرهني أو أنا بكرهه، مستحيل أطلع أهزق حد ولو تلاحظ حتى في الفيديو، أنا قايلة على نفسي وعلى أصالة، يعني أنا كمان غلطت فيا وفي أصالة، فأنا كنت ساعتها بهزر، وكنت مبسوطة، وفي حفلة خاصة يعني".

وأضافت شيرين، في رسالتها: "في الآخر مفيش حد كبير على الغلط، ومفيش حد كبير على الاعتذار وأنا مش عايزة حد يزعل مني، هرجع وأقولك تاني، أنا والله العظيم وحياة بناتي أنا نيتي ماكنش فيها أي حاجة وحشة، ولا أنا بقلل من شأن حد، أنا كنت بهزر، وأنا مش قليلة الأدب ومش قليلة الذوق، بدليل إني هزرت عليا وعلى أصالة اللي كانت موجودة، وقاعدة على نفس الترابيزة اللي أنا قاعدة عليها".

 

https://goo.gl/aDnjNU

A video posted by Sherine Abdel-Wahab (@sherine) on Jan 23, 2017 at 9:08am PST