ردت الفنانة زينة على الفنان أحمد عز، بعد حكم براءته من تهمة سبها وقذفها، وقبول اسستئنافه على حكم حبسه.
وقالت زينة، عبر حسابها الشخصى على موقع "إنستاجرام": "أنا مكنتش ناوية أعلق، بس بصراحة كدبك اللى مالوش نهاية بيستفزنى جدا، أولا مبروك لبراءتك من قضية السب والقذف فى حقى، ولو أن مبروك من التهمة دى مش حاجة تشرف قوى، يعنى أنت ما أخدتش جائزة نوبل".
وأضافت: "كده كده مكنتش هسيبك تتسجن علشان ولادك ميبقاش أبوهم رد سجون، ارجع بقى من لندن اللى أنت مستخبى فيها يا دكر، متخافش مش دى صورتك هناك، أما بقى لو جبت سيرة ولادك وقضية النسب دى تانى هيكون ليا تصرف تانى معاك، وبالقانون، لأن القضية دى اتقفلت لآخر يوم فى عمرك، بطل كدب وبطل تضحك على الناس، لأن الناس مش هبلة ".
وتابعت: "خلاص اتلهى فى شغلك ومعجباتك اللى تعرفهم معرفة شخصية من قلتهم، وكفاية بقى الفيلم المحترم ده علشان محدش بيصدقه غيرك، الناس عرفت حقيقتك ويا ريت تبطل تستغبى الناس".
واستكملت: "الأهم من ده كله لو كان تم الحكم عليك، كنت هحس أن ربنا بيحبك وبيكفر عنك فى الدنيا، لكن الحمد لله حتى يبلغ الحمد منتهاه، حسابك عند رب العالمين شايلهولك كله فى الآخرو، ومفيش أعظم من حساب ربنا، وابقى روح قوله أقسم بالله، يا رب أشوفك وأنت بتتحاسب".
كان عز كتب بعد براءته من سب وقذف زينة قائلا: "بحمد ربنا وأشكر فضله، وأثق فى القضاء المصري، وكنت أثق فى البراءة لأنى معملتش أى حاجة غلط"، مضيفا: "ربنا أظهر الحق، وهنستمر فى قضية النسب لآخر يوم فى عمرنا".
