نشرت الفنانة رانيا فريد شوقي على صفحتها الخاصة بموقع التواصل الاجتماعي "فيس بوك" منشورا تحكي فيه أحد المواقف التي "أرعبتها" وهي على متن طائرة.
وقالت: "لازم احكلكم و انا راجعة في الطيارة كان حظي أن اعد جنبي راجل أمن الطيارة كان عمال يكتب في ورق طول الرحلة ومعاه شنطة صغيرة يبوص فيها ويطلع حاجات منها يفحصها ويرجع يكتب تاني فضلت أراقبه بعيني هموت افهم ايه الشنطة دي طبعا الفضول قتلني سألته هو ايه الشنطة دي قالي دي حد نسيها في المحطة يقصد المطار".
وتابعت: "بس هو قال كده وانا ركبي سابت قولتلة انت فتشتاها قبل ما تطلع علي الطيارة قالي ايوه طبعا سكت ورجعت قولتله يعني فتشتاها بايدك ولا أجهزة لكشف المفرقعات الراجل ضحك ورجع يكتب تاني روحت بصاله تاني فتشتاها كويس ونبي قالي فيها حاجات شخصية لشخص واداني ساعة ابص فيها عشان اقوله ماركتها ايه وانا بقي والأوفر اشتغل قولت بس هي القنبله في الساعة وطبعا بريستيجي قدام الراجل هيقول عليه هبله فضلت اتشاهد و مابقتش ملحقه مطبات الهوائية و لا الشنطة اللي مع الراجل و لا الناس اللي فتحه الموبيل وعماله تصور من شباك الطيارة رغم أن ممنوع فتح الموبيل و الطيارة في الجو لانها ممكن تاثر علي اجهزة الطيارة يخرب بيت الأفلام الامريكاني خربت دماغنا و انا اساسا جبانه والأفلام واكله دماغي لوحدها دي غير أنها بقت بتحصل في الحقيقة يعني انا بخاف من الطيارات يقوم تطلعلي شنطة و جنبي كمان قليل البخت يلاقي العضم في الكرشه".
وأشارت إلى "وانا نزله من الطيارة قولتله مش كنت رميت الشنطة اسهل بدل الكتابه اللي وجعت ايدك فيها دي و دمرت جهازي العصبي معاك".