قال الرئيس السيسي: " كلام إن البلد دي أراضيها تتاخد كده، والله المفروض ما في محافظ يسيب متر أرض لحد، لا أحد يتصور إني ضد حد.. لا والله أنا ضد الفوضى وضد الإهمال وضد اللادولة، لكن أنا والله مش ضد حد خالص، كل الناس في مصر أهلي وحبايبي وأخواتي، والله أنا بقولكم اسمعوها مني".

وأضاف: "الناس بتعمل في الدولة اللى هي عايزاه وده لا يليق بنا.. انت تاخد ليه حاجة مش بتاعتك، وانا أسيبك تاخدها ليه.. أمال احنا قاعدين نعمل ايه كلنا، مش انا بس يا جماعة، احنا كلنا مع بعض، احنا قاعدين نعمل إيه؟".

وتابع قائلا: "طيب أنا هأقول حاجة، أنا شفت بالطيارة وأنا جاي كدة مزارع سمكية هناك، حد يقولي حجم المزارع قد ايه والعائد منها قد ايه وانتو خدتوا فلوسكم ولا ما اخدتوش؟، طيب أنا بقولكم بالمطلق كده يا مصريين اللى بتسمعوني، كل المزارع السمكية مش عايز اقول النسبة الغالبة منها، اللى توافق عليها من جانب الدولة ما بتدفعش ليه مش عارف؟، لا أنا عارف، لأن الدولة مش موجودة، انت اديتك الكلام ده، وانت وافقت على تعاقد معايا بقيمة في منتهى التواضع اللى في الدنيا وبالتالي ليك وضع صحيح، بس انت ما بتدفعش المقابل بتاعها طيب ليه.

وقال الرئيس: "طيب والناس القائمين على هذا الأمر ساكتين ليه، طيب أنا عرفت الكلام ده منين، عرفته من المنزلة، لما دخلت في بحيرة المنزلة علشان نضبط الدنيا هناك، يا إيهاب – رئيس الهيئة الهندسية للقوات المسلحة- هتنزلوا امتى كينج مريوط بالكراكات؟ لأن احنا مش هنعمل مزارع سمك في البحيرات، مش هنعمل الكلام ده، احنا بنعمل ميه نظيفة جدا ونشيل كل العوائق وترجع المياه دي زي 200 سنة فاتوا، واللي انا أقوله لكم ده بتكاليف هائلة احنا بندفعها من صحة ولادنا من المنتجات اللي بتطلع دية، بندفعها من هدر القدرات الموجودة وهدر، خلي بالكم من التعبير ال هقولهولكم ده.. حالة الالتزام والانضباط للدولة تبقى دولة رخوة ما فيش سيطرة أي حد عايز يعمل أي حاجة يعملها.. أقول تعبير تاني.. أي حد عايز ياخد حاجة ياخدها، ولا احنا قاعدين نعمل ايه؟.

وأضاف، "والله العظيم أنا ما هاسيب لابني جنيه ابني مش أى حد تاني، ولا نفسى لأن ده حرام، انت مش واخد بالك، ده مش معناه ان انا راجل نزيه يعني وشريف لالا، معناه ان أنا راجل عارف كويس قوي ان احنا اللي بناخده ده حرام، وتروح تحج وتعمل عمرة وانت بتاخد مال مش بتاعك".

وقال الرئيس السيسي: "ها ارجع تاني لكينج مريوط، احنا خلصنا بحيرة التمساح، يا إيهاب، ونرجع لمشروع البذور علشان اقفل الكلام.. احنا تدخلنا في هذا الموضوع لما لقينا ان اسعار البطاطس خلال الموسمين اللى فاتوا زادت بشكل مبالغ فيه.. كتير من المواطنين اللى بيسمعونا يقولوا طيب انتوا بتعملوا فين ضبط الأسواق، ما بتنزلوش تعملوا حملات ليه.. لاء المواضيع على مستوى الدول مش بس اللي انتوا بتقولوا عليه ده لازم يكون فيه مسارات أخرى تتعمل تحقق الكلام ده، انا كتاجر أو رجل أعمال بجيب بذور لقيت السوق محتاجه فهكسب، علشان كده قلت في الأول خالص ان حركتنا في هذا المجال تهدف ان احنا نضبط آليات السوق في مصر من خلال مسارات جديدة أو حتى غير تقليدية .

 واستطرد قائلا: "خليني أتكلم على مزرعة بني سويف والمنيا كآخر نموذج احنا شغالين فيه، أنا عندي ملحوظتين في الموضوع، الملحوظة الأولى، احنا ليه اختارنا بني سويف والمنيا، لما يطلع الجهاز المركزي والمعنيين في وزارة التضامن يقولوا ان الظروف في الصعيد بصفة عامة وفي بعض المحافظات بصفة خاصة محتاجة منا ان احنا نراعي الكلام ده، طيب احنا هنراعيه إزاي، إن احنا هندي الناس فلوس بس مش كفاية، لاء ده احنا نخلق فرص عمل ليهم ، طيب احنا بنعمل مشروع ايه ، المفروض ان احنا المياه دائما لما بتيجي تستخدم في الزراعة الناس بتعمل زراعة في الري " بالراحة".

 "يعني لا في مكن يرفع ولا كلام من هذا القبيل، وما حدش هيعمل مشروع زي ده الا اذا كنا احنا نتصدى ليه، وأرجوا ان اللى أنا بقوله كاعتبارات ليه اخترنا المكان ونعمل فيه الكلام اللى انا بتكلم عليه، احنا بنسوي ارض يعني مش ارض زي كده خالص دي صعب جدا، لقيت اللواء إيهاب بيقولي اسويلك الفدان بـ 250 ألف، وتساءل الرئيس ليه، انا بسمع المصريين، انا بتكلم في مشروع 62 ألف فدان دول فوق 60-70-80 مليار جنيه، أحسن يكون حد متصور أنها غير كده، علشان كده لو الفيلم موجود اعرضهولي ووروا الناس، ده اللواء بالآلة الهندسية اللي هي اقوي امكانيات في الدولة قالي هخلص في 4 - 5 سنين وانا معادي معاه سنة، وقلت له المعدات اللى هتطلع هديك حق الوقود والفريق محمد هو اللي هيدفع حق الوقود انا مش هدفعه، يخلص اللى 60 ألف فدان دول".