فيديو.. تعرف على موعد متوقع لانتهاء كورونا في مصر وعلاقته بليلة القدر

قال الإعلامي عمرو أديب، إن هناك جامعة في سنغافورة حددت مجموعة من الدول التي سينتهي فيها فيروس كورونا، واختارت من بينها مصر.

وأوضح أديب برنامج الحكاية الذي يذاع على قناة mbc ، أن الجامعة السنغافورية جامعة تكنولوجيا وأصدرت بيانات رسمية وحددت أرقام الإصابات والمنحنيات،  متابعا "طلع من الذروة بتاعت مصر في الوباء جت خلاص في الأسبوع التاني من أبريل، وطبعا إحنا مشوفناهاش، وحددوا المعاد اللي هتقل فيه الأرقام، وقالوا إن يوم 20 مايو هينتهي الفيروس في مصر تماما".

وأضاف: "الجامعة دي قالت إن الدول العربية كلها هتخلص ما بين مايو ويونيو، وقالوا إن في دول عربية خلصت وهما لبنان والأردن، طبعا الكلام ده قائم على الكلمة اللي بردد فيها من فترة، بيعملوا مودلز بياخدوا فيها كل البيانات ويحددوا الموضوع ده، وأمريكا بتقول أن كل المودلز في العالم مش موثوق فيها لأن أرقامها مش دقيقة، في ناس هتعمل إصاباتك فوق الـ300 الأسبوع الجاي وفي ناس بتقول إنها هتقل عن دلوقتي".

وقال عمرو أديب: "في ناس بتقول إن 20 مايو بيتوافق مع ليلة القدر، بين قوسين مش عاوز أضايقك وأنت بتتسحر، نعلم أنه لا والموضوع مطول واحتمال أن يكون في موجة تانية، نتمنى أن النموذج ده يبقى حقيقي، وهذا الأمر لا نستطيع التعامل معه إلا بالعمل".