بطل بـ«حرب أكتوبر» يكشف تفاصيل «القصفة الكاذبة» (فيديو)

قال اللواء محمد عبدالمنعم طلبة، أحد أبطال حرب أكتوبر، إن القوات المسلحة لديها شعاران، شعار المدفعية الرئيسي "الفخر، المجد، الشرف"، وشعار آخر يعرفه أفراد القوات المسلحة وهو "المدفعية في كل مكان"، بينما المشاة هي سيدة المعارك، "مفيش سلاح يقدر يحارب وياخد أرض لوحده وكل قطاع يؤدي دوره".

وأضاف «طلبة»، خلال لقاء ببرنامج «صباحك مصري»، المذاع على شاشة قناة «إم بي سي مصر 2»، أن المدفعية هو أول سلاح أرضي خاض معركة أكتوبر، لافتا إلى أنهم كانوا يقفون على طول القناة، مشيرا إلى أن الضرب التمهيدي كان 53 قصفا على مدار الساعة، وهو على غير التمهيدي الذي كان يحدث في العالم.

وتابع: «أي جيش في العالم كان يقصف القصفة الأولى في التمهيد على القواعد والقصفة التانية ترفع على العمق وترجع تاني في القصفة الأولى على الوضع الأول، أحنا غيرنا الشكل، ضربنا الأولى عادي والعدو بيراقب، الأولى ضربناها أخدت 15 دقيقة والتانية في العمق 22 دقيقة، وضربنا 5 دقايق مدفعية، المفروض نرجع تاني على الأولى، بس جينا عملنا قصفة كاذبة، 5 دقايق، ورجعنا على الأولى وبعدين ناقل على العمق».

وواصل: «لما نقلنا على العمق طلع العدو من الخنادق، بس الحمد لله كانت قواتنا عدت وطلعوا الساتر الترابي من غير سلالم، التاني بيطلع من الخنادق لقى المصريين قدامه، خلصت اللعبة، مقدرش أقول الجندي الإسرائيلي جبان ولكن محمي بمعدات حديثة جدا، المدفعية بتاعتنا كانت مفيهاش جنزيل وآلي، ومدفعية العدو كانت ذاتي الحركة».