تعرف على أسباب مشادة أحمد فهمي وشيكابالا (فيديو)

كشف أحمد درويش وكيل الفنان أحمد فهمي، حقيقة ما حدث بينه وبين لاعب نادي الزمالك شيكابالا، وذلك من خلال فيديو نشره على صفحته على موقع التواصل الاجتماعي "فيسبوك".

وقال: "درويش" خلال الفيديو، إن الموضوع له خلفية مسبقة، "البداية كانت بعد ماتش السوبر اللي في الإمارات والإشارات البذيئة من لاعب نادي الزمالك لجمهور الأهلي، أحمد فهمي بوست على السوشيال ميديا ساعتها، وقال لشيكابالا "أنت بتركب بونت على حساب نادي الزمالك وعامل نفسك زملكاوي ومن شوية كنت بتكلمني عن البرتغال وفشل احترافك هناك، وكنت عاوز ترجع للأهلي وتواصلت معايا وكلمتني أكتر من مرة عشان وبالفعل أحمد فهمي كلم الأهلي وأبدوا رفضهم"، مضيفا: شيكابالا اعتبر هذا إهانة له.

وأضاف: "أحمد فهمي أول واحد دافع عن شيكابالا ونزل بوست عن التنمر ودة غلط ودة خارج الرياضة وميصحش والبوست موجود لحد دلوقتي وبيقول فيها أنا بدعم شيكابالا بكل وضوح، وامبارح حصلت الواقعة نفسها، كنا في فرح أعضاء نادي الزمالك السابق شريف منير، وجاء أحد الأصدقاء المشتركين بين فهمي شيكابالا ومصطفى سيف العماري قاله يا فهمي تعالا سلم، وفهمي راح بكل ود فقاله إزيك يا شيكا، اللي بقوله دة حصل حرفيا".

وتابع: "شيكابالا قاله انت بتقول على السوشيال ميديا إني بركب بونت، وقاله فهمي ان الكلام دة مش مجاله ولا وقته دة فرح واحد صاحبنا وانت غلطت في ناس تخصني فقاله مين جمهور؟؟ فشتمه فرد فهمي عليه كمشجع وغلط في شيكا مباشرة مجبش سيرة الزماك ولا جمهوره والخناقة بين شخص بيغلط في الاهلي والتاني بيرد في شخصه هو، ودة اللي حصل بالملي".