كنت جاي أنا من الجنوب
كنت فاكــر نفسي مينا
جيت أوحـد قُطر مصر
جيت أوحد مصر فينا
اللي ساكن جوا عشة
واللي ساكن جوا قصر
واللي ساكن في أي حتة
والمعافر
والمسافر من الجنوب
واللي ساكن في الحواري
والجيوب..
واللي مكتوم في القلوب
وكل حتة في المدينة
واللي عمره ما حس بينا
ومر دهر
وبعده دهر
والجنوبي ..
لسه بيتوه في المدينة
لسه بيهاب القصور
والماكينة
والزحام
والغرام
البدايات المخيفة
والنهايات الحزينة
لسة وبنفس الطريقة
الجنوبي..
"يشتهي ما
يشتهيه..
يشتهى وجه الحقيقة"