علقت الفنانة إيمان السيد، على إعلان بعض الفنانين، إصابتهم بفيروس كورونا المستجد، موجهة لهم الشكر على قرارهم بإعلان الإصابة. 

وقالت إيمان السيد، عبر صفحتها الرسمية على "فيسبوك": عارفة إن في شغلتنا دي لو حد تعب سواء كان تعب بسيط أو مزمن، مش بيرضى يقول خوفاً على شغله، ودا لِما تعودنا عليه من إن اللي بيتعب بيقعد في بيتهم، و فيه ناس بتتعالج من أمراض صعبة بدون ما أي حد يعرف وناس بتعلن عن تعبها بعدما يتم شفائها، ورغم كدا بيفضلوا الناس برضو مترددين يستعينوا بيهم في شغل". 

وأضافت: "لكن لما نكون بنتكلم عن وباء، إحنا هنا قدام واجب أخلاقي ان الناس لازم يقولوا عشان يقفلوا دايرة العدوى ويحذروا كل المخالطين و دول بدورهم يتعزلوا، شكرا لكل الناس اللي بيعلنوا عن إصابتهم في كل مجال أو مكان، المرض مش عيب العيب انك تتسبب في انتشاره، وربنا يشفي الجميع. " 

وأعلنت نشوى مصطفى و"ويجز"، إصابتهما بالفيروس، وذلك من أجل سلامة الآخرين المخالطين لهم. 

وحذرت نشوى مصطفى، جمهورها من خطر الإصابة بالفيروس، ووجهت استغاثة اليوم إلى وزارة الصحة لنقلها إلى المستشفى، بعد شعورها بتعب شديد.

وتدخل نقيب الممثلين الدكتور أشرف زكي، واستجابت وزارة الصحة، وجرى نقلها عبر الإسعاف إلى المستشفى لتلقى العلاج.